Category: Gender policy 
2016-09-12
12 სექტემბერს, PIA-ს პრესკლუბში, ქალთა პოლიტიკური მონაწილეობის სამუშაო ჯგუფის (Task force) წევრებმა პრესკონფერენცია გამართეს. პრესკონფერენციის თემა იყო ქალთა წარმომადგენლობა 2016 წლის საპარლამენტო არჩევნებისთვის წარდგენილ პარტიულ სიებსა და მაჟორიტარ კანდიდატებში.
8 სექტემბერს საარჩევნო სუბიექტებმა ცესკოს წარუდგინეს 2016 წლის საპარლამენტო არჩევნების პირველადი სიები. საარჩევნო სიების გენდერული ანალიზი გვიჩვენებს, რომ 2016 წლის მოწვევის პარლამენტში არათუ გაიზრდება, არამედ შესაძლოა შემცირდეს კიდეც ქალთა წარმომადგენლობა და ჩამოსცილდეს 2012 წლის 12%–იან მაჩვენებელს.
ქართულმა ოცნებამ მაჟორიტარობის კანდიდატებად მხოლოდ 4 ქალი წარადგინა, პარტიული სიის პირვეულ ოცეულში - 6 ქალი, ხოლო სრულ სიაში 155 კანიდიდატიდან მხოლოდ 18 ქალი.
ერთიანმა ნაციონალურმა მოძრაობამ 5 მაჟორიტარობის კანდიდატი წარადგინა, პარტიული სიის პირველ ოცეულში - 6 ქალი, ხოლო სრულ სიაში 200 კანდიდატიდან 48 ქალი.
თავისუფალმა დემოკრატებმა და რესუბლიკურმა პარტიამ მაჟორიტარებად 9-9 ქალი წარადგინეს, პარტიული სიის პირველ ოცეულში 7-7 ქალი, ხოლო სრულ პარტიულ სიაში დაიცვეს 30%–იანი კვოტა. ისინი პარლამენტში შესვლის შემთხვევაში მიიღებენ კანონმდებლობით გათვალისწინებულ ფინანსურ დანამატს ცენტრალური ბიუჯეტიდან.
საარჩევნო ბლოკმა "ბურჭულაძე - სახელმწიფო ხალხისათვის" მაჟორიტარ კანდიდატებად 8 ქალი წარადგინა, თუმცა საარჩევნო სიის პირველ ოცეულში არცერთი ქალი არ არის წარმოდგენილი.
როგორც აღნიშნული იყო პრესკონფერენციაზე, მიუხედავად იმისა, რომ ყველა პოლიტიკური პარტია აღიარებს ქალთა პოლიტიკაში ჩართულობის პრობლემას, ეს თემა მათთვის პრიორიტეტული არ არის. აღსანიშნავია ისიც, რომ 2016 წლის არჩევნებისთვის თითქმის ყველა პოლიტიკურმა პარტიამ გამოხატა მზაობა, რომ ქალთა წარმომადგენლობას კვოტების გარეშეც გაზრდიდნენ საკუთარ სიებში. ესეც მეტწილად ცრუ წინასაარჩევნო დაპირება აღმოჩნდა.
დღევანდელი მდგომარეობით საქართველო ჩამორჩება არა მარტო ამერიკულ და ევროპულ სახელმწიფოებს, არამედ აზიური და აფრიკული ქვეყნების საშუალო მაჩვენებელსაც. საქართველოში არჩევით ორგანობეში წარმომადგენლობითი დემოკრატია არ არსებობს, რადგან მოსახლეობის უმრავლესობა (ქალები) მხოლოდ 12%–ით არიან წარმოდგენილნი და 2016 წლის არჩევნების შედეგად შესაძლოა ქალთა პოლიტიკური წარმომადგენლობა კიდევ უფრო შემცირდეს.
შეგახსენებთ რომ, 2014-2016 წლებში საქართველოს პარლამენტმა ორჯერ ჩააგდო შესაძლებლობა კანონის დონეზე დაერეგულირებინა ქალთა მინიმალური წარმომადგენლობა არჩევით ორგანოებში.
წყარო: GIA |
