ნიუ - იორკის გენერალური პროკურორი ერიკ შნეიდერმანი თანამდებობიდან გადადგა. მიზეზი მის წინააღმდეგ შევიწროების შესახებ ოთხი ქალის მიერ წაყენებული ბრალდებებია.
თანამდებობიდან წასვლის გადაწყვეტილება მას შემდეგ გამოცხადდა, რაც ჟურნალმა New Yorker-მა გამოაქვეყნა ანგარიში, სადაც ქალები ამბობენ, რომ შნეიდერმანი მათ სცემდა. მათგან ორთან ის ხანგრძლივ ურთიერთობაში იყო.
შნეიდერმანი ბრალდებას ასაჩივრებს. ამასთან, ის კამპანია MeToo-ს აქტიური მხარდამჭერია, რომელიც სექსუალური შევიწროვების წინააღმდეგაა მიმართული.
„ბოლო რამდენიმე საათის განმავლობაში ჩემს წინააღმდეგ სერიოზული ბრალდებები გაჟღერდა, რასაც მე მკაცრად უარვყოფ. მიუხედავად იმისა, რომ ეს ბრალდებები ჩემი საქმიანობის შესახებ არ არის, მაინც ხელს შემიშლის ეფექტურად ვმართო ჩემი ოფისი ამ კრიტიკული დროის განმავლობაში“, – განაცხადა ერიკ შნეიდერმანმა.
ორმა ქალმა The New Yorker–თან საუბარში განაცხადა, რომ ალკოჰოლური ზემოქმედების ქვეშ მყოფმა შნაიდერმანმა მათ ფიზიკური შეურაცყოფა მიაყენა. ქალებს პოლიციაში არ უჩივლიათ, თუმცა სამედიცინო დახმარება დასჭირდათ.
კიდევ ერთი ქალი მსგავს შემთხვევებზე ყვება, თუმცა მისი თქმით, ის ძალიან შეშინებული იყო და პოლიციისთვის არ მიუმართავს.
მეოთხე მსხვერპლი ნიუ-იორკელი იურისტია. ქალის თქმით, შნაიდერმანმა მას სახეში მას შემდეგ გაარტყა, რაც ქალმა ინტიმურ ურთიერთობებზე უარი უთხრა.
ოთხიდან ორმა, მიშელ მენინგ ბერიშმა და ტანია სელვარატნემ ჟურნალისტებს ვინაობა გაუმხილეს, ხოლო დანარჩენებმა ანონიმურად დარჩენა ამჯობინეს.
7 მაისს ჟურნალმა, The New Yorker-მაგამოაქვეყნა სტატია, რომელშიც ერიკ შნაიდერმანის ყოფილი ოთხი პარტნიორი ყვება, რომ გენპროკურორის მხრიდან ფიზიკური ძალადობის მსხვერპლი არაერთხელ ყოფილან. შემთხვევები 2013-2017 წლებში ხდებოდა
Using materials of the site the reference on GINSC with the indication of the author is obligatory The Portal GINSC is supported by the Kvinna til Kvinna Foundation
