Category: Gender in the world 
2018-10-03
27 სექტემბერს, ქალთა საინფორმაციო ცენტრმა მონაწილეობა მიიღო ნიუ იორკში, გაეროს გენერალური ასამბლეის ფარგელბი გამართულ კონსულტაციებში: ქალები, მშვიდობა უსაფრთხოება და ჰუმანიტარული საქმიანობა.
სამოქალაქო საზოგადოების, გაეროს სააგენტოებისა და მთავრობების წარმომადგენლებთან ერთად კონსულტაციებში ჩაერთო მსახიობი კირსტენ ბელი, რომელიც კეთილი ნების ელჩის მანდატით გლობალურად მუშაობს კონფლიქტის შედეგად დაზარალებული ქალებისა და გოგოების გაძლიერებისთვის პროგრამების მხარდასაჭერად.
"ადამიანებმა რომლებმაც განიცადეს კონფლიქტი ყველაზე კარგად იციან, თუ როგორ უნდა უპასუხონ კონფლიქტის შედეგებს. მე მჯერა ცვლილებების და სამოქალაქო საზოგადოების დიდი ძალის, რომელსაც ცვლილებების გამოწვევა შეუძია", აღნიშნა კრისტენ ბელმა.
კონსულტაციების შემაჯამებელ ღონისძიებაზე ქალებზე, მშვიდობისა და უსაფრთზოებაზე გაეროს უსაფრთხოების საბჭოს რეზოლუციების განხორციელების აუცილებლობაზე ისაუბრეს ირლანდიის ვიცე პრემიერ მინისტრმა, ავსტრალიის, კანადის, ნორვეგიის, ავსტრიის დელეგაციების წარმომადგენლებმა. როგორც ირლანდიის ვიცე პრემიერ მინისტრმა საიმონ კოვენმა აღნიშნა, გაეროს რეზოლუციებს შორის ქალებზე, მშვიდობასა და უსაფრთხოებაზე რეზულუციები ყველაზე მეტ ენაზეა ნათარგმნია. თუმცა, გაეროს სამშვიდობო მისიებში ჯერ კიდევ მხოლოდ 4 პროცენტია ქალი და 1% - ზე ნაკლებია ქალების ეკონომიკურ გაძლიერებაზე მიმართული დახმარება კონფლიქტით დაზარალებულ რეგიონებში. საომონ კოვენმა, ირლანდიის მთავრობის სახელით ხანგრძლივი მხარდაჭერა აღუთქვა სამოქალაქო საზოგადოებისა და გაეროს სააგენტოების პარტნიორობას რეზოლუციების განსახორციელებლად.
დეზირე შვაიცერმა, ავსტრიის საგარეო საქმეთა სამინისტროს განვითარების დეპარტამენტის დირექტორმა, ხაზი გაუსვა სამოქალაქო საზოგადოების თანამშრომლობის პლატფორმების არსებობას და ინფორმაცია მიაწოდა ვენაში გამართულ შეხვედრაზე, სადაც ქალთა საინფორმაციო ცენტრმა მთავრობის წარმომადგენლებთან ერთად რეზოლუცია 1325 სამოქმედო გეგმის ლოკალიზაციის წარმატებული პროცესის გამოცდილება გაუზიარა საერთაშორისო პარტნიორებს.
შეგახსენებთ, რომ გენდერული პოლიტიკის ლოკალიზაციის პროცესში ქალთა საინფორმაციო ცენტრმა დაიწყო გაეროს უშიშროების საბჭოს რეზოლუცია 1325 ინტეგრირების პროცესი. საქართველოს ყველა მუნიციპალიტეტში შეიქმნა მუნიციპალური გენდერული თანასწორობის სამოქმედო გეგმები, რომელსაც საფუძვლად დაედო ადგილობრივი საჭიროებების გამოვლენა გენდერულ ჭრილში. შემუშავდა გენდერული თანასწორობის სამოქმედო გეგმები, სადაც მოხდა რეზოლუცია 1325 ასპექტების გათვალისწინება, კერძოდ 34 მუნიციპალიტეტში. დღეს საქართველოში მიმდინარეობს სამოქმედო გეგმების შიდა განხილვები და დამტკიცების პროცესი.
|
