Category: Gender in the world 
2018-10-05
2018 წელს ნობელის პრემია მშვიდობის დარგში გადაეცა
გინეკოლოგს, დენის მუკვეგეს კონგოდან და უფლებადამცველს, ნადია მურადს ერაყიდან.
როგორც ნორვეგიის ნობელის კომიტეტი განმარტავს, მათ ჯილდო შეიარაღებულ კონფლიქტის
ზონებში სექსუალურ ძალადობასთან ბრძოლისთვის გადაეცემათ.
ნადია მურადმა ისლამური სახელმწიფოს ტყვეობაში
ყოფნისას სექსუალური ტრეფიკინგის მსხვერპლი იყო. ის აქტიურად ცდილობს, რომ ომის
პერიოდში სექსუალური ძალადობის მსხვერპლებს დაეხმაროს.
გინეკოლოგი კონგოდან, დენის მუკვეგე კი ჯგუფური
სექსუალური ძალადობის მსხვერპლ ქალებს ეხმარება. როგორც ჟურნალისტები ამბობენ,
მუკვეგე ნობელის პრეტენდენტების სიაში წლების განმავლობაში იყო.
წელს სიაში 329 კანდიდატი იყო, მათ შორის 112 იყო
საერთაშორისო და საზოგადოებრივი ორგანიზაცია. კანდიდატების ვინაობა კი 50 წლის
შემდეგ გახდება ცნობილი.
შეგახსენებთ, რომ ეს უკვე მესამე ნობელის პრემიაა,
რომელიც წელს ქალს გადასცეს.
ნობელის სხვა პრემიებისგან განსხვავებით, მშვიდობის
დარგში პრემიის გადაცემის ცერემონია ნორვეგიის დედაქალაქ ოსლოში 10 დეკემბერს,
შვედი მეცნიერის ალფრედ ნობელის გარდაცვალების დღეს ტარდება.
|
