Category: Gender based violence 
2019-10-11
ხაშურის საავადმყოფოში სასწრაფო ოპერაცია უკეთდება ქალს, რომელიც ცოტა ხნის წინ ყოფილმა ქმარმა ჯერ ფიზიკური შეურაცხყოფა მიაყენა, შემდეგ კი იარაღიდან ესროლა.
გავრცელებული ინფორმაციით ქალს ყოფილ ქმართან განქორწინების პროცესი ჰქონდა დაწყებული და ქმარი მას ბავშვებს უმალავდა. სწორედ ბავშვების ნახვის და წამოყვანის საკითხს უკავშირდება ეს კონფლიქტი, რა დროსაც კაცმა სანადირო თოფი გამოიყენა.
ასევე ვრცელდება ინფორმაცია, რომ ყოფილი ცოლის დაჭრაში ეჭვმიტანილმა მის საცხოვრებელ სახლში გარკვეული ნივთი, სავარაუდოდ, ხელყუმბარა შეაგდო, რომელიც არ აფეთქდა. ადგილზე გამნაღმველები მუშაობენ, სამართალდამცველებმა ახლომდებარე კორპუსების მოსახლეობას სახლები დაატოვებინეს.
მძიმე მდგომარეობაში მყოფ ქალს ხაშურის საავადმყოფოში ახლა სასწრაფო ოპერაცია უტარდება.
მომხდარზე გამოძიება სისხლის სამართლის კოდექსის 19-108-ე მუხლით დაიწყო, რაც განზრახ მკვლელობის მცდელობას გულისხმობს და 7-15 წლამდე თავისუფლების აღკვეთას ითვალისწინებს.
|
