Category: Sport 
2020-01-13
ირანის ერთადერთმა ოლიმპიელმა მედალოსანმა ქალმა, კიმია ალიზადეჰმა ქვეყანა პროტესტის ნიშნად დატოვა. მისი თქმით, აღარ უნდა, რომ ხელისუფლებამ პროპაგანდისტულ იარაღად გამოიყენოს. მან საკუთარი ინსტაგრამზე დაწერა, რომ ევროპაში გადავიდა.
”მე ვარ ერთ-ერთი იმ მილიონობით შევიწროვებული ქალიდან ირანში, რომელსაც წლების განმავლობაში ეთამაშებიან. მათ მივყავდი იქ, სადაც სურდათ. მე ვიცმევდი იმას, რასაც მეუბნევოდნენ. მე ვიმეორებდი ყოველ წინადადებას, რომლის მოსმენაც მათ სურდათ. ...არავის მივუწვევივარ ევროპაში და არც მაცდური შემოთავაზება მიმიღია. მაგრამ მე ვიღებ სამშობლოდან შორს ყოფნის ტკივილს და სირთულეებს, იმიტომ, რომ არ მინდა პირფერობის, სიცრუისა და უსამართლობის ნაწილი ვიყო", — წერს ალიზადეჰი.
კიმია ალიზადეჰი ტაეკვონდოში ჩემპიონია, მან 2016 წელს რიოს ოლიმპიურ თამაშებზე ბრინჯაოს მედალი, 57 კგ. წონით კატეგორიაში მოიგო.
როიტერსის ინფორმაციით, ირანის სპორტის მინისტრის მოადგილემ ამ თემასთან დაკავშირებით თქვა, რომ პოსტი არ წაუკითხავს, მაგრამ იცის, რომ სპორტსმენს ყოველთვის სურდა ფიზიოთერაპიის სწავლა გაეგრძელებინა.
ალიზადეჰი ირანული სპორტის მესამე მოწინავე ადამიანია, რომელმაც ბოლო თვეებში ქვეყნის წარმომადგენლობა შეაჩერა.
|
 |
