საუდის არაბეთის მეფე აბდალა იბნ აბდელ აზიზ ალ-საუდმა ტახტზე ასვლის შემდეგ ხელისუფლებაში პირველი ცვლილებების შესახებ განაცხადა. კერძოდ, პირველად ქვეყნის ისტორიაში თანამდებობა მიიღო ქალმა. ,,ბი-ბი-სი” გადმოსცემს, რომ აღმასრულებელ ხელისუფლებასა და სასამართლო ორგანოებში ცვლილებების შესახებ შაბათ დილით საუდის არაბეთის სახელმწიფო ტელევიზიამ განაცხადა. ნორა ფაიზი დაიკავებს განათლების მინისტრის თანამდებობას ქალთა საკითხებზე – ეს ყველაზე დიდი თანამდებობაა, რომელიც კი ოდესმე ეკავა ქალს საუდის არაბეთის ხელისუფლებაში. ამასთანავე თანამდებობები დატოვა ორმა გავლენიანმა რეგიონალურმა მოღვაწემ. კერძოდ, პენსიაზე გაიშვა რეგიონალური პოლიციის უფროსი შეიხ იბრაგიმ ჰაიტი. თანამდებობა დატოვა ასევე უზენაესი სასამართლოს მოსამართლემ შეიხ სალეხ ლუაიდანმა. ამის გარდა მეფემ შეცვალა სამი მინისტრი და ცენტრალური ბანკის უფროსი. ეს არის ყველაზე მასშტაბური ცვლილებები ხელისუფლებაში მეფის ტახტზე ასვლის შემდეგ 2005 წლის აგვისტოში.
Using materials of the site the reference on GINSC with the indication of the author is obligatory The Portal GINSC is supported by the Kvinna til Kvinna Foundation
