ამერიკელმა ჟურნალისტმა ერიკ გოლუბმა მსოფლიოს სექსუალური პოლიტიკოსი ქალების რეიტინგი შეადგინა. რეიტინგი გაზეთ The Washington Times-ის ბლოგში გამოქვეყნდა. ქალები სიაში სამ ჯგუფად არიან დაყოფილნი - "მემარჯვენეები", "მემარცხენეები" და "ცენტრისტები". რეიტინგში დემოკრატებისა და ლიბერალების სიის სათავეში რუსი ალინა კაბაევა აღმოჩნდა.
კაბაევა ამჟამად რუსეთის სახელმწიფო სათათბიროში პარტია "ედინაია როსიას" წარმომადგენელი დეპუტატი და დუმის ახალგაზრდების საკითხების კომიტეტის თავმჯდომარის მოადგილეა. ამერიკელებმა ალინა სპორტული მიღწევების, სილამაზისა და სექსუალობის მიხედვით შეარჩიეს.
რეიტინგში აღმოჩნდა ასევე ტელეწამყვანი და საზოგადო მოღვაწე ოპრა უინფრი, რომელმაც მეხუთე ადგილი დაიკავა. ოპრა უინფრი ჟურნალმა Forbes-მა 2010 და 2009 წლების ყველაზე გავლენიან ქალად დაასახელა. კაბაევასა და უინფრის გარდა, დემოკრატებისა და ლიბერალების ათეულში NBC-ის კომენტატორი ნორა ო’დონელი (მეცხრე ადგილი), ადვოკატი თამარა ჰოლდერი (მეშვიდე ადგილი) და მსახიობი თინა ფეი (მეექვსე ადგილი) აღმოჩნდნენ.
ცენტრისეტბისა და დამოუკიდებელი პოლიტიკოსების ათეულს 18 წლის მაროკოელი მოცეკვავე კამილა ელ-მაჰრუგი (რუბი) უდგას სათავეში, რომელმაც იტალიის პრემიერ-მინისტრ სილვიო ბერსლუსკონისთან სკანდალური კავშირით გაითქვა სახელი - პრემიერს რუბისთან (რომელიც იმ დროს არასრულწლოვანი იყო) სექსუალურ ურთიერთობაში ადანაშაულებენ.
სიის მეცხრე ადგილზე ფრანგი ტელეწამყვანი და ჟურნალისტი მელისა ტერე აღმოჩნდა. 2006 წელს Daily Express-მა ის მსოფლიოს ყველაზე ლამაზ რეპორტიორად დაასახელა. ამერიკულმა ჟურნალმა Maxim-მა მელისა ყველაზე სექსუალურ ტელეწამყვანად აღიარა, ფრანგულმა გამოცემა FHM-მა კი - მსოფლიოს ყველაზე ლამაზ ქალად.
მეექვსე და მეორე ადგილები ასევე ჟურნალისტებმა - CNN-ის წამყვანმა ერინ ბერნეტმა და დაგენ მაკდაუელმა დაიკავეს.
რესპუბლიკელებისა და კონსერვატორების ათეულს ლიკუდის პარტიიდან ქნესეთის წევრი ებრაელი ციპი ჰოტოველი უდგას სათავეში. მერვე ადგილი ოჰაიოს ვიცე-გუბერნატორმა მერი ტეილორმა დაიკავა, მეექსვე კი - ალიასკის ექს-გუბერნატორმა და რესპუბლიკური პარტიის წევრმა სარა პეილინმა. მეორე ადგილის მფლობელი ვისკონსინის შტატის გუბერნატორი რებეკა კლიფიში გახდა.
