ანჯელინა ჯოლი და სარა ჯესიკა პარკერი ჰოლივუდის ყველაზე მაღალანაზღაურებადი მსახიობები არიან. მათ 2010 წლის მაისიდან 2011 წლის მაისამდე 30 მლნ გამოიმუშავეს და ”ფორბსის” ყველაზე მაღალანაზღაურებადი მსახიობების რეიტინგში პირველი ადგილები გაინაწილეს.
”ფორბსის” მონაცემებით, ანჯელინას შემოსავალი ”სოლტმა” და ”ტურისტმა” მოუტანა. მიუხედავად იმისა, რომ ფილმები ამერიკაში არც თუ ისე წარმატებული იყო, ევროპაში სოლტმა 300 მლნ, ხოლო ”ტურისტმა” 280 მლნ დოლარი მოგება მოიტანეს.
ანჯელინა ჯოლისთან პირველ ადგილს სარა ჯესიკა პარკერი იყოფს. ფილმმა ”სექსი დიდ ქალაქში - 2” შემქმნელებს 290 მლნ დოლარი მოუტანა. გარდა ამისა, სარა ჯესიკა პარკერმა შემოსავლის ნაწილი რეკლამებიდან და საკუთარი პარფიუმერიის გაყიდვიდან მიიღო.
პირველი ხუთეულის დანარჩენი წევრები არიან: ჯენიფერ ენისტონი (28 მლნ), რიზ უიზერსპუნი (28 მლნ), ჯულია რობერტსი (20 მლნ).
მეექვსე ადგილზეა კრისტენ სტიუარტი 20 მლნ-ით. კრისტენს კეტრინ ჰეიგლი (19 მლნ) და კამერონ დიასი (18 მლნ) მოსდევს.
შარშან მაღალანაზღაურებადი მსახიობების ათეულს სანდრა ბალოკი ედგა სათავეში. ახლა ის 15 მლნ დოლარით მე-9 ადგილზეა.
ჰოლივუდის მაღალანაზღაურებადი მსახიობების ათეულს მერილ სტრიპი ასრულებს. მსახიობმა გასულ წელს მხოლოდ 10 მლნ დოლარი გამოიმუშავა.