დღეს “წინააღმდეგობის მოძრაობის” და უფლებადამცველი არასამთავრობო ორგანიზაციების ინიციატივით, თბილისში გაეროს წარმომადგენლობასთან აქცია – “მეც დევნილი ვარ” გაიმართება.
აქციის მონაწილეები აპირებენ საქართველოში გაეროს წარმომადგენლობის საქმის კურსში ჩააყენებას, “თუ როგორ ექცევა დევნილებს ხელისუფლება”.
აქციის მონაწილეები გაეროს წარმომადგენლებს თავიანთ მოთხოვნებს წერილობითი გადასცემენ.
შეგახსენებთ, რომ “მეც დევნილი ვარ”-კამპანიის ფარგლებში უკვე რამდენიმე საპროტესტო აქცია გაიმართა, მათ შორის პრეზიდენტის ადმინისტრაციასთანაც. ორგანიზატორები აქციების გამართვას სამომავლოდაც აპირებენ.