კატეგორია: ეროვნული უმცირესობები 
2013-05-28
2013 წლის 8 მაისიდან ფონდი ,,ტასო”, პროექტის - „ქალები თანასწორობის, მშვიდობისა და განვითარებისათვის” - ფარგლებში, ატარებს პრეზენტაციებს საქართველოს საზღვრისპირა და და ეთნიკური უმცირესობებით დასახლებულ რეგიონებში.
ფონდი ტასო ახორციელებს სოციალურ მობილიზაციას, რაც გულისხმობს სამიზნე რეგიონებში ადგილობრივი მოსახლეობის, განსაკუთრებით კი ქალების მხარდაჭერას, რათა მათ თავად შეძლონ აქტიური და ეფექტური მონაწილეობა გადაწყვეტილების მიღებისა და იმ პოლიტიკის შემუშავების პროცესში, რომელიც ზეგავლენას ახდენს მათ ცხოვრებაზე. პროექტის ფაგრლებში ფონდი ტასო ქტიურად ითანამშრომლებს ასევე ადგილობრივი თვითმართველობის წარმომადგენლებთან.
პრეზენტაციები ჩატარდა კოდის დევნილთა ჩასახლებასა (თეთრი წყაროს მუნიციპალიტეტი) და აღმამედლოში (მარნეულის მუნიციპალიტეტი). მასში მონაწილეობდნენ პროექტის პირველი ფაზის განხორციელების პროცესში ჩართული სათემო მუშაკები და რეგიონული იურიდიული კლინიკების იურისტები, რამაც აქტიური დაინტერესება გამოიწვია ადგილობრივ მოსახლეობაში. იმედია, რომ მათთან თანამშრომლობა შედგება და ეფექტურად გაგრძელდება მომავალშიც.
პროექტი „ქალები თანასწორობის, მშვიდობისა და განვითარებისათვის საქართველოში”, გაეროს ქალთა ორგანიზაციის მიერ, ქალთა საინფორმაციო ცენტრსა და ფონდ ტასოსთან პარტნიორობით ხორციელდება. მას მხარს ნორვეგიის მთავრობა უჭერს. პროექტის მიზანი იძულებით გააადგილებული, კონფლიქტის შედეგად დაზარალებული და ეროვნული უმცირესობების ქალთა ჯგუფების მხარდაჭერა და მათი შესაძლებლობების გაძლიერებაა.
წყარო: პორტალი GINSC |
 |
