ქეთევან ნოზაძე კატეგორია: ეროვნული უმცირესობები 2013-10-09
სადახლო ერთ-ერთი უდიდესი სოფელია, მარნეულის მუნიციპალიტეტში. 13 ათასი მოსახლე, რომელიც სადახლოში ცხოვრობს ძირითადად სოფლის მეურნეოობითაა დაკავებული. სოფელი მდებარეობს სომხეთის საზღვართან.
გაეროს ქალთა ორგანიზაციის, ქალთა საინფორმაციო ცენტრისა და ფონდი ტასოს წარმომადგენლები ჩავიდნენ სადახლოს N2 სკოლაში, შეხვდნენ ადგილობრივ მოსახლეობას და ესაუბრნენ, შექმნილ სოციალურ პრობლემებზე. აღმოჩნადა რომ რეგიონში მცხოვრები ქალების ძირითადი პრობლემაა ის, რომ სოფელში არაა საბავშვო ბაღი. სოფელს წყლის პრობლემაც აქვს, სასმელი წყალი რომელიც დღის განმავლობაში მხოლოდ ორი საათით მიეწოდებათ სასმელად უვარგისია. მოსახლეობა არ არის ინფრორმირებული სახელმწიფო საყოველთაო დაზღვევის პროგრამების შესახებაც.
გაეროს ქალთა ორგანიზაციის ინიციატივით ქალაქ მარნეულში გაიხსნა საკონსულტაციო საინფორმაციო ცენტრი, რომელიც იურიდიულ კონსულტაციებს უწევს ადგილობრივებს.
პროექტი „ქალები თანასწორობის, მშვიდობისა და განვითარებისათვის საქართველოში" ხორციელდება გაეროს ქალთა ორგანიზაციის მიერ ქალთა საინფორმაციო ცენტრთან და ფონდ "ტასოსთან" პარტიორობით, ნორვეგიის მთავრობის მხარდაჭერით. პროექტის მიზანია იძულებით გადაადგილებული, კონფლიქტის შედეგად დაზარალებული და ეროვნული უმცირესობების ქალთა ჯგუფების, სამოქალაქო საზოგადოებისა და მთავრობის მხარდაჭერა და მათი შესაძლებლობების გაძლიერება, საქართველოში გენდერული თანასწორობისა და ქალთა უფლებების დაცვის მიზნით.
წყარო: პორტალი GINSC
|