კატეგორია: ეროვნული უმცირესობები 
2013-10-31
2013 წლის 29 ოქტომბერს, ქალთა საინფორმაციო ცენტრის წარმომადგენლებმა მოინახულეს ქვემო ქართლში, სოფელ წინწყაროში მცხოვრები ეროვნული უმცირესობების ოჯახები და მათ პრობლემებს ადგილზე გაეცნენ. ვიზიტის მიზანი იყო ეროვნული უმცირესობების განსაკუთრებული პრობლემების გამოკვეთა ერთი ფანჯრის პრონციპის საკონსულტაციო შეხვედრისთვის, რომელიც გაიმართება მარნეულის მუნიციპალიტეტში 2013 წლის ნოემბრის თვეში.
სოფელში ყველაზე მწვავედ გაზიფიცირებისა და წყლის პრობლემა დგას. წყალი კვირაში ერთხელ მიეწოდებათ, ხოლო გაზიფიცირება, როგორც მოსახლეობა ამბობს, დიდი ხნის წინ უნდა დასრულებულიყო. ასევე გამოვლინდა საჯარო სკოლისა და ავარიული საცხოვრებელი სახლის რეაბილიტაციის საჭიროება, დოკუმენტაციასთან და ჯანდაცვასთან დაკავშირებით შექმნილი პრობლემები, რომლის დეტალური შესწავლის შემდეგ შესაძლებელი იქნება მათი განხილვა ერთი ფანჯრის პრინციპის საკონსულტაციო შეხვედრის ფორმატში.
ვიზიტი განხორციელდა პროექტის ,,ქალები თანასწორობის მშვიდობისა და განვითარებისათვის” ფარგლებში, რომელიც ხორციელდება გაეროს ქალთა ორგანიზაციის მიერ ქალთა საინფორმაციო ცენტრთან და ფონდ ტასოსთან პარტნიორობით, ნორვეგიის მთავრობის მხარდაჭერით.
წყარო: პორტალი GINSC
|
