ქეთი ნოზაძე
კატეგორია: ეროვნული უმცირესობები 
2013-11-05
013 წლის 1 ნოემბერს ქალაქ მარნეულში, დემოკრატიული ჩართულობის ცენტრში ქალთა საინფორმაციო ცენტრის ორგანიზებით პროექტის - ,,ქალები თანასწორობის, მშვიდობისა და განვითარებისთვის" ფარგლებში ტრენინგი ჩატარდა. ტრენინგს დაესწრნენ მარნეულის რაიონში არსებული არასამთავრობო ორგანიზაციის წარმომადგენლები, მარნეულის რაიონის სოფელ აღმამედლოსა და სადახლოს, ასევე თეთრიწყაროს რაიონის სოფელ წინწყაროს სათემო მუშაკები.
ტრენინგის მიზანი იყო მონაწილეებისთვის "ერთი ფანჯრის" პრინციპის შეხვედრების მეთოდოლოგიის, შემთხვევების დოკუმენტირებისა და შედეგების მონიტორინგის გაცნობა.
ქალთა საინფორმაციო ცენტრი 2010 წლიდან იყენებს ერთი ფანჯრის პრინციპის მეთოდოლოგიას დევნილ და კონფლიქტის შედეგად დაზარალებული პირების პრობლემების მოსაგვარებლად. ეს არის პირველი ტრენინგი მარნეულის რაიონში შემთხვევვების მომწოდებლებთან პროექტის ,,ქალები თანასწორობის, მშვიდობისა და განვითარებისთვის" მეორე ფაზის ფარგლებში. მიმდინარე წელს უკვე ჩატარდა ასეთი ტიპის ტრენინგები გორისა და სამტრედიის მუნიციპალიტეტებშიც.
პროექტი „ქალები თანასწორობის, მშვიდობისა და განვითარებისათვის საქართველოში“ ხორციელდება გაეროს ქალთა ორგანიზაციის მიერ ქალთა საინფორმაციო ცენტრთან და ფონდ ”ტასოსთან” პარტიორობით, ნორვეგიის მთავრობის მხარდაჭერით. პროექტის მიზანია იძულებით გადაადგილებული, კონფლიქტის შედეგად დაზარალებული და ეროვნული უმცირესობების ქალთა ჯგუფების, სამოქალაქო საზოგადოებისა და მთავრობის მხარდაჭერა და მათი შესაძლებლობების გაძლიერება, საქართველოში გენდერული თანასწორობისა და ქალთა უფლებების დაცვის მიზნით.
წყარო: პორტალი GINSC |
