ქეთი ნოზაძე
Категория: Национальные меньшинства 
2013-11-29
2013 წლის 25 ნოემბერს, ქვემო ქართლში, მარნეულის მუნიციპალიტეტში გაიმართა სამუშაო შეხვედრა "ერთი ფანჯრის პრინციპით". შეხვედრის მიზანი იყო მარნეულის მუნიციპალიტეტის სოფლებში მცოვრები მოსახლეობის, განსაკუთრებით კი ეროვნული უმცირესობების წარმომადგენელთა მწვავე პრობლემების გადაწყვეტა.
საკონსულტაციო შეხვედრას ესწრებოდნენ ადგილობრივი მუნიციპალიტეტისა და სოციალური მომსახურების სააგენტოს, ასევე, რეგიონული განვითარებისა და ინფრასტრუქტურის სამინისტროს წარმომადგენლები, და ბენეფიციარები, რომლებიც თავად წარადგენდნენ პრობლემურ საკითხებს.
განხილულ იქნა 7 შემთხვევა, მათ შორის ყველაზე მტკივნეული მოსახლეობის ჯანდაცვისა და სოციალური უზრუნველყოფის საკითხი იყო. შეხვედრაზე გადაწყდა, რომ პრობლემა უახლოეს მომავალში მოგვარდება მოსახლეობისა და შესაბამისი სამინისტროების ერთობლივი ძალისხმევით.
შეხვედრას ფასილიტაცია გაუწია ალექსანდრე რუსეცკიმ. მან შესთავაზა მარნეულის მუნიციპალიტეტის გამგებელს მერაბ თოფჩიშვილს რომ დაინტერესების შემთხვევებში კონსულტაციას გაუწევს მათ, როგორ დაგეგმონ და განახორციელელონ ცვლილებები სწორად. მან ასევე წამოჭრა საზოგადოებასთან ურთიერთობის საკითხი, რადგან მნიშვნელოვანია მოსახლეობა მეტად იყოს ინფორმირებული მათი მომსახურების შესახებ.
ზოგიერთი შემთხვევა კომპლექსურ მიდგომას საჭიროებდა და მისი მოგვარება რამდენიმე უწყების კომპეტენციის ფარგლებშია შესაძლებელი. ბენეფიციარებმა მიიღეს ინდივიდუალური კონსულტაცია იმის შესახებ, თუ რომელ სამინისტროს ან მომსახურებას უნდა მიმართონ პრობლემის მოსაგვარებლად. საკონსულტაციო შეხვედრაზე განხილული შემთხვევების გარდა გამოიკვეთა სხვა თემებიც, კერძოდ, მოსახლეობის ინფორმირების საკითხი.
"ერთი ფანჯრის პრინციპის" საკონსულტაციო შეხვედრა გაიმართა პროექტის "ქალები თანასწორობის, მშვიდობისა და განვითარებისათვის" ფარგლებში, რომელიც ხორციელდება გაეროს ქალთა ორგანიზაციის მიერ ქალთა საინფორმაციო ცენტრთან და ფონდ ,,ტასოსთან'' თანამშრომლობით, ნორვეგიის მთავრობის მხარდაჭერით.
წყარო: პორტალი GINSC |
