პროგრამა ”ჟურნალისტიკა მომავლის გამოწვევებისთვის” განკუთვნილია დამწყები ჟურნალისტებისთვის სომხეთიდან, აზერბაიჯანიდან, ბელარუსიდან, საქართველოდან, მოლდოვიდან და უკრაინიდან, რომლებსაც სურთ განივითარონ ჟურნალისტური გამოძიების უნარები, გაიღრმავონ ცოდნა საერთაშორისო კანონების და პოლიტიკის სფეროში, ასევე გაზარდონ საკუთარი პროფესიული ქსელი.
ინტენსიურ ტრენინგ-პროგრამას ატარებენ ცნობილი საერთაშორისო ექსპერტები და იგი ფოკუსირდება საგამოძიებო ჟურნალისტიკის თანამედროვე, მოწინავე ინსტრუმენტებსა და მეთოდებზე. სესიები მოიცავს ისეთ თემებს, როგორიცაა ჟურნალისტური გამოძიების საფუძვლები, გამოძიების პროექტის დაგეგმვა და მართვა, ორგანიზებული დანაშაულის და კორუფციის მიმოხილვა, პირადი უსაფრთხოება, კვლევა ინტერნეტის საშუალებით, დაშიფრვა, წყაროს დაცვა, ეთიკა და ახალი სოციალური მედიის გამოყენება საჯაროობის პლატფორმის სახით.
პროგრამა ჩატარდება რიგაში, ლატვიაში, სამ დამოუკიდებელ მოდულად: მოდული 1: 5 – 9 მაისი, 2014 მოდული 2: 14 – 16 აგვისტო, 2014 მოდული 3: 24 – 28 ნოემბერი, 2014
პროგრამა ფარავს შემდეგ ხარჯებს: • სამოგზაურო და საცხოვრებელი ხარჯები; • სწავლება და სასწავლო მასალები; • ვიზა; • შესვენება ყავაზე, საუზმე (სასტუმროში), სადილი; • გახსნის და დახურვის ვახშამი ყოველი მოდულისთვის.
ვის შეუძლია მონაწილეობა • დამწყებ ჟურნალისტებს, რომლებიც დაინტერესებულნი არიან საგამოძიებო ჟურნალისტიკით (ამ სფეროში გამოცდილება საჭირო არ არის, მაგრამ გამოცდილება ზოგად ჟურნალისტიკაში სავალდებულოა); • სომხეთის, აზერბაიჯანის, ბელარუსის, საქართველოს, მოლდოვის ან უკრაინის რეზიდენტებს; • 20-დან 35 წლამდე ასაკის პირებს; • განმცხადებლები თავისუფლად უნდა ფლობდნენ ინგლისურ ენას. შეირჩევა 25-მდე მონაწილე და ყველა მათგანის ხარჯები სრულად დაიფარება. რეგისტრაციის ბოლო ვადა: 17 თებერვალი, 2014.
