კატეგორია: განცხადებები 2014-02-10
საქართველო, თბილისი, 2014 წლის 11 თებერვალი, სამშაბათი, 10:00 სთ - სასტუმრო „Holiday Inn” (მისამართი: 26 მაისის მოედანი, # 1). ქალთა საინფორმაციო ცენტრი პროექტის ”გენდერული სამართლიანობა ქალთა პოლიტიკური თანამონაწილეობის გაძლიერების გზით” ფარგლებში, ბრიტანული საქველმოქმედო ორგანიზაცია ”ოქსფამის” მხარდაჭერით, მართავს შეხვედრას თემაზე ”ადგილობრივი თვითმმართველობის არჩევნები და ქალთა პოლიტიკური მონაწილეობა საქართველოში”.
შეხვედრის მთავარი თემაა სპეციალური ზომები და ღონისძიებები, რომელთა გატარებაც ქალთა პოლიტიკური მონაწილეობის გაზრდის მიზნით იგეგმება. შეხვედრაზე წარმოდგენილი იქნება სხვადასხვა ორგანიზაციის ინიციატივები 2014 წლის არჩევნებთან დაკავშირებით, მათ შორის, პოლიტიკური პარტია ”ახალი მემარჯვენეების” წინადადება, საარჩევნო სიებში ქალებისთვის კვოტების გამოყოფის თაობაზე.
შეხვედრას დაესწრებიან საერთაშორისო და არასამთავრობო ორგანიზაციების, საპარლამენტო და არასაპარლამენტო პოლიტიკური პარტიების წარმომადგენლები. გაიმართება დისკუსია, სადაც ყველა მონაწილეს მიეცემა საკუთარი პოზიციის დაფიქსირების საშუალება.
პროექტის ”გენდერული სამართლიანობა ქალთა პოლიტიკური თანამონაწილეობის გაძლიერების გზით”
პროექტი ხორციელდება ქალთა საინფორმაციო ცენტრის მიერ, ბრიტანული საქველმოქმედო ორგანიზაცია OXFAM-ის საქართველოს წარმომადგენლობის მხარდაჭერით. პროექტის მიზანია, გაზარდოს ქალთა ჩართულობა ქვეყნის პოლიტიკურ ცხოვრებაში.
წყარო: პორტალი GINSC |