გაეროს განვითარების პროგრამა აცხადებს კონკურსს გენდერული თანასწორობის ჯილდოს მისაღებად. კონკურსში მონაწილეობა შეუძლია საქართველოში მოქმედ ქართულ და უცხოურ კომპანიებს.
დაჯილდოება ტარდება გაეროს ერთობლივი პროგრამის „გენდერული თანასწორობის ხელშეწყობისთვის საქართველოში“ ფარგლებში, რომელიც ხორციელდება შვედეთის საერთაშორისო განვითარებისა და თანამშრომლობის სააგენტოს (SIDA) ფინანსური მხარდაჭერით. დეტალური ინფორმაცია კონკურსის პირობებისა და ჯილდოს კატეგორიების შესახებ იხილეთ საინფორმაციო ბროშურასა და სააპლიკაციო ფორმაში.