კატეგორია: განცხადებები 2014-02-25
ქალთა საინფორმაციო ცენტრი პროექტის ,,ქალები თანასწორობის, მშვიდობისა და განვითარებისათვის“ ფარგლებში შეხვედრას გამართავს გორის გამგეობისა და საკრებულოს წარმომადგენლებთან. შეხვედრა მიზნად ისახავს გორის მუნიციპალიტეტში ”ერთი ფანჯრის” პრინციპით შეხვედრების დანერგვას ადგილობრივი თვითმმართველობის დონეზე.
შეხვედრას დაესწრებიან გამგეობისა და საკრებულოს გადაწყვეტილების მიმღები პირები.
აღსანიშნავია, რომ ქალთა საინფორმაციო ცენტრი 2010 წლიდან იყენებს ”ერთი ფანჯრის” პრინციპის მეთოდოლოგიას დევნილი და კონფლიქტის შედეგად დაზარალაბული პირების, ეროვნული უმცირესობების წარმომადგენლების პრობლემების მოსაგვარებლად. 2013 წლიდან დაიწყო აღნიშნული მეთოდოლოგიის დანერგვა ადგილობრივ თვითმმართველობებში.
პროექტის „ქალები თანასწორობის, მშვიდობისა და განვითარებისათვის საქართველოში“, შესახებ
პროექტი ხორციელდება გაეროს ქალთა ორგანიზაციის მიერ ქალთა საინფორმაციო ცენტრთან და ფონდ ”ტასოსთან” პარტნიორობით, ნორვეგიის მთავრობის მხარდაჭერით. პროექტის მიზანია იძულებით გადაადგილებული, კონფლიქტის შედეგად დაზარალებული და ეროვნული უმცირესობების ქალთა ჯგუფების, სამოქალაქო საზოგადოებისა და მთავრობის მხარდაჭერა და მათი შესაძლებლობების გაძლიერება, საქართველოში გენდერული თანასწორობის და ქალთა უფლებების დაცვის მიზნით.
წყარო: პორტალი GINSC |