კატეგორია: განცხადებები 2014-02-27
ქალთა საინფორმაციო ცენტრი, ბრიტანული საქველმოქმედო ორგანიზაცია Oxfam-ის ფინანსური მხარდაჭერითა და რეგიონული განვითარებისა და ინფრასტრუქტურის სამინისტროსთან თანამშრომლობით, ატარებს შეხვედრას “გენდერული თანასწორობის ინსტიტუციური მექანიზმი ადგილობრივ დონეზე” (2013-2014 წლები).
შეხვედრა შეეხება ინსტიტუციური მექანიზმის განვითარების მნიშვნელობას ადგილობრივ დონეზე. ასევე განხილული იქნება გენდერის საკითხებში მრჩეველთა სამუშაო დებულება და სამომავლო სამოქმედო გეგმები. მნიშნველოვანია, რომ საუბარი შეეხება ურთიერთთანამშრომლობის პერსპექტივებსა და ერთობლივ ინიციატივებს.
შეხვედრას დაესწრებიან საქართველოს სხვადასხვა რეგიონში დანიშნული მრჩევლები გენდერის საკითხებში, რეგიონული გავითარებისა და ინფრასტრუქტურის მინისტრის მრჩეველი გენდერის საკითხებში კახაბერ ცეცხლაძე, ბრიტანული საქველმოქმედო ორგანიზაცია Oxfam–ის და ქალთა საინფორმაციო ცენტრის წარმომადგენლები, კოალიციის ”ქალთა პოლიტიკური ჩართულობისათვის” წევრები.
შეხვედრა ტარდება პროექტის ”გენდერული სამართლიანობა ქალთა პოლიტიკური თანამონაწილეობის გაძლიერების გზით” ფარგლებში.
პროექტი ”გენდერული სამართლიანობა ქალთა პოლიტიკური თანამონაწილეობის გაძლიერების გზით”
პროექტი ხორციელდება ქალთა საინფორმაციო ცენტრის მიერ, ბრიტანული საქველმოქმედო ორგანიზაცია OXFAM-ის საქართველოს წარმომადგენლობის მხარდაჭერით. პროექტის მიზანია, გაზარდოს ქალთა ჩართულობა ქვეყნის პოლიტიკურ ცხოვრებაში.
წყარო: პორტალი GINSC |