თბილისში დევნილების დაკავებული შენობებიდან გამოყვანა მათი ფართებით დაკმაყოფილებამდე არ მოხდება. როგორც ლტოლვილთა და განსახლების სამინისტროში აცხადებენ, დევნილების გამოსახლების პროცესს კანონი არეგულირებს. როგორც სამინისტროში განმარტავენ, 2013 წლის აგვისტოში მიღებული ნორმატიული აქტი ადგენს კრიტერიუმებს, რომელიც საზღვრავს დევნილების ფართით დაკმაყოფილების რიგითობას. მათი ცნობით, აპლიკაციის შევსებისა და კრიტერიუმების დაკმაყოფილების შემდეგ მოქალაქეს ენიჭება შესაბამისი ქულა, რომლის შემდგომაც დამისამართების მიხედვით დევნილების ფართებით დაკმაყოფილება ხდება. სამინისტროს ინფორმაციით, თბილისის მასშტაბით 100 ათასი დევნილია, საქართველოს მასშტაბით კი მხოლოდ 2 ათასი დევნილის ფართით დაკმაყოფილება შეძლეს. მწვავე პრობლემა ამ დროისთვის 30 ათასამდე დევნილს უდგას, რომელთა დაკმაყოფილება ეტაპობრივად მოხდება.
მათი განცხადებით, 107 მილიონიანი პროექტი, რომელიც 22 სართულიანი 8 კორპუსის მშენებლობას ითვალისწინებს, დაახლოებით 2 წელიწადში შევა სრულად ექსპლუატაციაში. რაც შეეხება იმ ფართებს, სადაც დევნილები ცხოვრობენ და ფართი ინვესტორის კუთვნილებაა, დევნილთა სამინისტრო პასუხისმგებლობას იხსნის და მათი ფართებით დაკმაყოფილებამდე ოჯახების გამოსახლებას არ აპირებს
