საუბნო საარჩევნო კომისიების მიერ მიწოდებული მონაცემების მიხედვით 2014 წლის 15 ივნისის არჩევნებზე მისული ამომრჩეველის 50,2 პროცენტი იყო ქალი. სულ ხმა მისცა 745 614–მა ქალმა ამომრჩეველმა.
ქალი ამომრჩევლების მაღალი აქტიურობით გამოირჩეოდა თბილისი – 55,94 პროცენტი. დედაქალაქის ათივე ოლქში ქალი ამომრჩევლების აქტივობის მეტნაკლებად ერთნაირი მაღალი მაჩვენებელი იყო და მერყეობდა 53 – 57 პროცენტს შორის.
რაც შეეხება სხვა ოლქებს, ქალები ყველაზე აქტიურები იყვნენ ახალქალაქში 56,29 პროცენტი, ქუთაისში 53, 97 პროცენტი, რუსთავში 53,94 პროცენტი და სიღნაღში 52,69 პროცენტი.
ცესკომ ამომრჩეველთა აქტივობის გენდერული სტატისტიკა წელს პირველად გამოაქვეყნა.
