ქალებს, რომლებსაც ინდონეზიის ეროვნულ პოლიციაში შეაქვთ განაცხადი, ქალწულობის ტესტი უტარდებათ. ტესტს ქალები აღწერენ, როგორც ”მტკივნეულს და ტრავმის გამომწვევს”.
მართალია პოლიციის ხელმძღვანელობა აცხადებს, რომ ეს პრაქტიკა გაუქმებულია, Human Rights Watch ამტკიცებს, რომ ინდონეზიის ექვს ქალაქში ესაუბრა პოლიციის ოფიცერ და ახალწვეულ ქალებს, რომლებსაც აღნიშნული დისკრიმინაციული ტექტი ჩაუტარდათ, ამასთან ორ მათგანს 2014 წელს.
როგორც პოლიციის მაღალჩინოსანმა ორმა ქალმა Human Rights Watch-თან საუბარში განაცხადა, აღნიშნული პრაქტიკა ფიზიკური შემოწმების ნაწილს წარმოადგენს და საქალწულე აპკის მთლიანობის დასადგენად ტარდება. თუმცა, ინდონეზიის პოლიციის პრეს-სპიკერმა ადგილობრივ მედიასთან საუბარში განაცხადა, რომ პოლიციაში მიღებისას, ქალებსა და მამაკაცებს უტარდებათ სამედიცინო გამოკვლევები, მათ შორის რეპროდუქციულ ორგანოებზეც, მაგრამ ეს არ არის ქალწულობის ტესტი.
თუმცა ინდონეზიის პოლიციის ვაკანსიების ვებსაიტზე ნათქვამია: ”ქალებმა, რომლებსაც პოლიციელობა სურთ, ქალწულობა უნდა შეინახონ”. პოლიციაში მუშაობა გათხოვილ ქალებსაც ეკრძალებათ.
Human Rights Watch აცხადებს, რომ ეს პრაქტიკა ”დამამცირებელია ქალებისთვის” და მოუწოდებს პოლიციის ხელმძღვანელობას დაუყოვნებლივ გააუქმოს ტესტი და უზრუნველყოს მისი გამოყენების შეწყვეტა ქვეყნის მასშტაბით.