11 წლის ესპანელი გოგონა, რომელიც მშობლებმა 17 000 ევროდ გაყიდეს და იძულებითი ქორწინების პირობებში მუდმივი სექსუალური ძალადობის მსხვერპლი იყო, პოლიციამ იხსნა.
პოლიციამ ორი „დამოყვრებული“ ოჯახის ხუთი წევრი დააკავა ტრეფიკინგის, სექსუალური ძალადობისა და შრომითი ექსპლუატაციის ბრალდებით.
პოლიციის ინფორმაციით, გამოძება მას შემდეგ დაიწყო, რაც 2014 წლის მაისში გაირკვა, რომ მშობლებმა არასრულწლოვანი 17 000 ევროდ გაათხოვეს რუმინეთში.
გოგონა, რომელიც მშობლებთან ერთად სამხრეთ სევილიაში ცხოვრობდა, ვალადოლიდში ქმრის ოჯახში ჩასვლისთანავე ძალადობის მსხვერპლად იქცა.
სამართალდამცავების თქმით, გოგონას მუდმივად შურაცხყოფას აყენებდნენ, სცემდნენ და აიძულებდნენ მომავალ ქმართან ჰქონოდა სექსი. ამას გარდა, ყურძენსა და პომიდორსაც აკრეფინებდნენ ყოველგვარი ანაზღაურების გარეშე.
გოგონა საშველად დედამისსაც ურეკავდა ხოლმე, მაგრამ ოჯახი, რომელსაც მიჰყიდეს დამატებით 10 000 ევროს ითხოვდა სანაცვლოდ.
მას შემდეგ კი რაც იმ ოჯახმა შამჩნია, რომ პოლიციის მონიტორინგის ქვეშ იმყოფებოდა, გოგონა სევილიისკენ მიმავალ ავტობუსზე დასვა და მშობლებთან დააბრუნა.
პოლიციას ამაზე კომენტარი არ გაუკეთებია, მაგრამ ესპანური მედიის ცნობით, გოგონას მშობლებიც დააკავეს.
გასულ თვეში პოლიციამ რუმინელი მამაც დააკავა, რომელიც საკუთარ ერთი კვირის ქალიშვილს 5 000 ევროდ ყიდდა. ახალშობილი მშობლებს ჩამოართვეს და ახლა ის მინდობით აღზრდაშია.