თბილისის საკრებულოს ფრაქციაში "ქართული ოცნება-დემოკრატიული საქართველოსთვის" ეთნიკური უმცირესობების საკითხებზე მარგალიტა ხიდირბეგიშვილი იმუშავებს.
როგორც "ინტერპრესნიუსს" თბილისის საკრებულოდან აცნობეს, ხიდირბეგიშვილს ეთნიკურ უმცირესობებთან დაკავშირებული საკითხების კოორდინაცია, მომზადება და კონტროლი დაევალა.
საკრებულოში აცხადებენ, რომ მარგალიტა ხიდირბეგიშვილი არის სახალხო დამცველის ოფისთან არსებული ტოლერანტობის ცენტრის ექსპერტი, საქართველოს ეროვნულ უმცირესობათა საბჭოს წევრი, სამოქალაქო ინტეგრაციისა და ტოლერანტობის სახელმწიფო კონცეფციის მონიტორინგის ექსპერტი და არასამთავრობო ორგანიზაცია "ინტერნაციონალური საქართველო მშვიდობისა და გარემოს დაცვისათვის" თავმჯდომარე.
მათივე ინფორმაციით, მარგალიტა ხიდირბეგიშვილი ეთნიკური უმცირესობის საკითხებზე არაერთი პროექტის ავტორია და მას დონორ ორგანიზაციებში (KfW, GIZ, BMZ, WWF, UNDP da EU) მუშაობის მრავალწლიანი გამოცდილება აქვს.