კატეგორია: განცხადებები 
2016-01-22
პრესრელიზი
29-31 დეკემბერს, გუდაურში, სასტუმრო “გუდაური მარკო-პოლო“ – ქალთა საინფორმაციო ცენტრი შინაგან საქმეთა სამინისტროსთან თანამშრომლობით მართავს ტრენინგს "უსაფრთხოების სექტორში გენდერული თანასწორობის და ქალების, მშვიდობისა და უსაფრთხოების პრინციპების ინტეგრირება".
ტრენინგი მიზნად ისახავს გენდერული პრინციპების ინტეგრირების ხელშეწყობას შინაგან საქმეთა სამინისტროში და უწყებაში მომუშავე მაღალი გადაწყვეტილების მიმღები პირების ცნობიერების ამაღლებას გენდერულ საკითხებზე.
ტრენინგი ტარდება პროექტის „გაძლიერებული ქალები მშვიდობისა და განვითარებისათვის“ ფარგლებში.
პროექტს „გაძლიერებული ქალები მშვიდობისა და განვითარებისათვის“, ქალთა საინფორმაციო ცენტრი აშშ-ს სახელმწიფო დეპარტამენტის მხარდაჭერით ახორციელებს. მისი მიზანია, ხელი შეუწყოს სახელმწიფო ეროვნული სამოქმედო გეგმის, გაეროს #1325 რეზოლუციის იმპლიმენტაციის პროცესს, ასევე სახელმწიფოსა და სამოქალაქო საზოგადოებას შორის კოორდინაციას. აამაღლოს საზოგადოების ცნობიერება ქალთა როლის შესახებ კონფლიქტის პრევენციის პროცესში, გაზარდოს კონფლიქტის შედეგად ადგილნაცვალი და ეთნიკური უმცირესობების წარმომადგენელი ქალების წვდომა განათლებაზე და მოახდინოს მათი ეკონომიკური გაძლიერება.
|
