კატეგორია: განცხადებები 2016-01-22
ქალთა საინფორმაციო ცენტრი მართავს ,,გენდერული თანასწორობის საკითხების შესახებ ახალგაზრდების დამოკიდებულების კვლევის“ პრეზენტაციას.
კვლევა ასახავს 2013 წელს, ერთიანი ეროვნული საგამოცდო ტესტების ესეებში, გენდერული თანასწორობის კუთხით ნაშრომების ანალიზს. ესეების თემატიკა მოიცავს 2 საკითხს: ქალთა პოლიტიკური მონაწილეობისა და ქალისა და მამაკაცისთვის მიზანშეწონილი პროფესიების შესახებ აბიტურიენტების მოსაზრებების გენდერულ ანალიზს სქესობრივ და გეოგრაფიულ ჭრილში. ანალიზისთვის გამოყენებულია რაოდენობრივი და თვისებრივი კონტენტ ანალიზის მეთოდი.
კვლევა განხორციელდა ქალთა საინფორმაციო ცენტრის დაკვეთით, სოციალური კვლევისა და ანალიზის ინსტიტუტის მიერ, განათლებისა და მეცნიერების სამინისტროსთან თანამშრომლობით, პროექტის „ქალები, როგორც აქტორები ცვლილებებისა და გაძლიერებისთვის“ ფარგლებში, ამერიკის შეერთებული შტატების საერთაშორისო განვითარების სააგენტოს (USAID) დაფინანსებითა და მხარდაჭერით.
|