კატეგორია: გენდერი კავკასიაში 
2016-02-04
4 თებერვალს სასტუმრო ბეტსიში აღმოსავლეთ–დასავლეთის მართვის ინსტიტუტის „კანონის უზენაესობის მხარდაჭერა საქართველოში“ მიერ დაფინანსებული პროექტების პრეზენტაცია გაიმართა თემაზე მართლმსაჯულების ხელმისაწვდომობა ქალებისა და უმცირესობებისთვის.
„კანონის უზენაესობის მხარდაჭერა საქართველოში“ USAID-ის დაფინანსებული 5-წლიანი პროგრამაა, რომელსაც აღმოსავლეთ–დასავლეთის მართვის ინსტიტუტი ახორციელებს. პროგრამის მიზანია მართლმსაჯულების გაზლიერება, სამართლიანობის უზრუნველყოფა, სასამართლოს დამოუკიდებლობისა და ადამიანის უფლებების დაცვა.
სტუმრებს მისასალმებელი სიტყვით მიმართეს USAID–ის დემოკრატიისა და მართველობის ოფისის დირექტორის მოვალეობის შემსრულებელმა კავკასიაში დევიდ სტონჰილმა და საქართველოს სახალხო დამცველის მოადგილემ ნათია კაციტაძემ. ღონისძიებაზე გაიმართა, როგორც ქალებისათვის მართლმსაჯულების ხელმისაწვდომობის შესახებ პროექტების მიმოხილვა, ასევე ეთნიკური და რელიგიური უმცირესობებისთვის მართლმსაჯულების ხელმისაწვდომობის შესახებ პროექტების მიმოხილვა.
ღონისძიებას ქალთა საინფორმაციო ცენტრის წარმომადგენლები ელენე რუსეცკაია და ნათია კაპანაძეც ესწრებოდნენ.
წყარო: GIA |
