მარტოხელა დედა, სამინისტროსგან საცხოვრებელი ბინით უზრუნველყოფას ითხოვს და ამბობს, რომ 2 წლის შვილთან ერთად ღია ცის ქვეშაა დარჩენილი.
ზუგდიდში დევნილთა სამინისტროს რეგიონული სამმართველოს შენობაში ახალგაზრდა ქალმა თვითდაზიანებები მიიყენა.
38 წლის ნანა შამათავა-ჯანჯღავამ ვენები სამმართველოს უფროსის კაბინეტთან გადაიჭრა. ადგილზე სასწრაფო დახმარების ბრიგადა მობილიზებული, დაშავებულს სამედიცინო დახმარება უკვე აღმოუჩინეს.
მარტოხელა დედა, სამინისტროსგან საცხოვრებელი ბინით უზრუნველყოფას ითხოვს და ამბობს, რომ 2 წლის შვილთან ერთად ღია ცის ქვეშაა დარჩენილი.
როგორც ირკვევა, ქალბატონს თბილისში გადაეცა ბინა, თუმცა მან კუთვნილი ფართი იპოთეკით დატვირთა, რის შემდეგაც საცხოვრებელი დაკარგა.
თავის მხრივ ნანა შამათავა აცხადებს, რომ იპოთეკაში ბინა მისმა ყოფილმა ქმარმა ჩადო, ბინაც სწორედ მისი შვილის მამას ეკუთვნოდა.
დევნილი თვლის, რომ მას შემდეგ რაც ქმარს გაშორდა, მისთვის და მისი შვილისთვის სხვა ფართი უნდა მოიძიოს დევნილთა სამინისტრომ.