კატეგორია: განცხადებები 2016-05-03
3 მაისი. 13:00 საათი. შიდა ქართლი. სოფელი ხურვალეთი. გამყოფი ხაზი – ქალთა საინფორმაციო ცენტრი სააღდგომო დღესასწაულთან დაკავშირებით აწყობს სამშვიდობო აქციას გამყოფ ხაზთან სოფელ ხურვალეთში. აქციის მიზანია გამყოფი ხაზის მიმდებარე სოფლებში მცხოვრები მოსახლეობისთვის აღდგომის დღესასწაულის მილოცვა.
აღდგომის მოახლოებასთან დაკავშირებით, წლიდან წლამდე, ერგნეთში, სამშვიდობო მოლაპარაკებების ფორმატში განიხილება ადმინისტრაციულ სასაზღვრო ზოლთან მიმდინარე კონფლიქტის შედეგად დაზარალებული მოსახლეობისთვის ახლობლების საფლავების მონახულების შესაძლებლობა. თუმცა, დღემდე ეს საკითხი გადაუჭრელი რჩება და მშვიდობიანი მოსახლეობა კვლავაც მოკლებულია ამ უფლებას.
სამშვიდობო აქციით გინდა მოვუწოდოთ ინციდენტების პრევენციისა და მათზე რეაგირების მექანიზმის სამუშაო ჯგუფის მონაწილე მხარეებს, რომ ამ დღესასწაულზე დაივიწყონ კონფლიქტი და მისცენ ადამიანებს თავისუფლად გადაადგილების შესაძლებლობა.
***
სამშვიდობო აქცია ტარდება პროექტის „გაძლიერებული ქალები მშვიდობისა და განვითარებისათვის“ ფარგლებში, რომელიც ხორციელდება აშშ-ს სახელმწიფო დეპარტამენტის მხარდაჭერით.
პროექტის მიზანია სახელმწიფოს ეროვნული სამოქმედო გეგმისა და გაეროს #1325 რეზოლუციის იმპლიმენტაციის პროცესის, ასევე სახელმწიფოსა და სამოქალაქო საზოგადოებას შორის კოორდინაციის მონიტორინგი; ქალთა როლის შესახებ კონფლიქტის პრევენციის პროცესში ცნობიერების ამაღლება; კონფლიქტის შედეგად ადგილნაცვალი და ეთნიკური უმცირესობების წარმომადგენელი ქალების ხელმისაწვდომობის ხელშეწყობა განათლებაზე და მათი ეკონომიკური გაძლიერება.
წყარო: GIA |