კატეგორია: განცხადებები 2016-05-27
29 მაისი - 1ივნისი, კახეთი, სასტუმრო "ყვარლის ედემი". ქალთა საინფორმაციო ცენტრი ცენტრალური და რეგიონული მედიის წარმომადგენლების, კერძოდ, პროდიუსერების, რედაქტორებისა და ჟურნალისტებისათვის, მართავს ტრენინგს „გენდერულად მგრძნობიარე საკითხების გაშუქება კონფლიქტურ და პოსტ-კონფლიქტურ სიტუაციებში“.
ტრენინგის მიზანია, ტრადიციული და ახალი მედიის წარმომადგენლების ცნობიერების ამაღლება გენდერული თანასწორობის საკითხების, კონფლიქტური და პოსტ-კონფლიქტური სიტუაციების გაშუქებისა და ადგილობრივი სამშვიდობო მოლაპარაკებების პროცესის უშუალო მონაწილეებთან ჯანსაღი დისკუსიის უზრუნველყოფა იმ სხვადასხვა მნიშვნელოვანი საკითხის შესახებ, რაც გამყოფ ხაზთან მცხოვრებ მოსახლეობას აწუხებს.
ტრენინგი ტარდება პროექტის „გაძლიერებული ქალები მშვიდობისა და განვითარებისათვის“ ფარგლებში.
პროექტის "გაძლიერებული ქალები მშვიდობისა და განვითარებისათვის"შესახებ
ქალთა საინფორმაციო ცენტრი ახორციელებს პროექტს "გაძლიერებული ქალები მშვიდობისა და განვითარებისათვის" აშშ-ს სახელმწიფო დეპარტამენტის მხარდაჭერით.
პროექტის ხანგრძლივობა ორი წელია და მისი მიზანია, მოხდეს სახელმწიფოს ეროვნული სამოქმედო გეგმის, გაეროს #1325 რეზოლუციის იმპლიმენტაციის პროცესის, ასევე სახელმწიფოსა და სამოქალაქო საზოგადოებას შორის კოორდინაციის მონიტორინგი, ამაღლდეს ცნობიერება ქალთა როლის შესახებ კონფლიქტის პრევენციის პროცესში, ასევე, გაიზარდოს კონფლიქტის შედეგად ადგილნაცვალი და ეროვნული უმცირესობების წარმომადგენელი ქალების წვდომა განათლებაზე და მოხდეს მათი კონომიკური გაძლიერება.
პროექტის ერთერთ მიზანს წარმოადგენს ახალგაზრდა ჟურნალისტების ცნობიერების ამაღლება, მათი გადამზადებისა და შემდგომი გაძლიერების გზით.
წყარო: GIA |