ჟენევის საერთაშორისო დისკუსიებში მონაწილე ქართული დელეგაციის წევრები არასამთავრობო ორგანიზაციების წარმომადგენლებს შეხვდნენ.
ღონისძიებას შერიგებისა და სამოქალაქო თანასწორობის საკითხებში სახელმწიფო მინისტრის პირველი მოადგილე ქეთევან ციხელაშვილი გახსნა.
საუბარი საერთაშორისო დისკუსიების ბოლო რაუნდის დროს განხილულ თემებსა და მოლაპარაკებების პროცესში ქალთა ჩართულობის გაზრდას შეეხო.
ქალთა საინფორმაციო ცენტრის დირექტორი ელენე რუსეცკაია ჟენევის საერთაშორისო დისკუსიების მონაწილეებისა და არასამთავრობო ორგანიზაციების საინფორმაციო შეხვედრას დაესწრო. ჟურნალისტებთან საუბრისას მან ხაზი გაუსვა ჟენევის წინა რაუნდზე მიღწეული გადაწყვეტილების მნიშვნელობას, ოთხწლიანი პაუზის შემდეგ გალის ინციდენტების პრევენციისა და მათზე რეაგირების მექანიზმის სამუშაო ჯგუფის განახლების შესახებ. თუმცა, იქვე უარყოფითად შეაფასა ის ფაქტი, რომ მაისში გამართულ პირველივე შეხვედრას არ ესწრებოდა სამუსაო ჯგუფის მონაწილე არცერთი გადაწყვეტილების მიმღები ქალი. ქალთა საინფორმაციო ცენტრი მოუწოდებს სახელმწიფოსა და საერთაშორისო ორგანიზაციებს, ხელი შეუწყონ ქალების ჩართულობას სამშვიდობო მოლაპარაკებების პროცესში.
არასამთავრობო ორგანიზაციები, ასევე, დაინტერესდნენ, რა ფორმით იყო განხილული მოლაპარკებებზე გიგა ოთხოზორიას მკვლელობის საკითხი.
ქეთევან ციხელაშვილმა შეხვედრაზე მათ დეტალური ინფორმაცია მიაწოდა.
