კატეგორია: განცხადებები 
2016-07-08
26-30 ივლისს ა(ა)იპ ქალთა საინფორმაციო ცენტრი ატარებს სამდღიან ტრენინგს „გენდერულად მგრძნობიარე საკითხების გაშუქება კონფლიქტურ და პოსტ–კონფლიქტურ სიტუაციებში“.
ტრენინგის მიზანია, სტუდენტი ჟურნალისტებისა და ოპერატორების ცნობიერების ამაღლება გენდერული თანასწორობის, კონფლიქტის პრევენციისა და პოსტ–კონფლიქტური სიტუაციების გაშუქების თემაზე.
ტრენინგი მოიცავს თეორიულ და პრაქტიკულ სწავლებას, რომელსაც გაუძღვებიან მოწვეული ექსპერტები.
თეორიული სწავლების დროს, ტრენინგის მონაწილეები გაეცნობიან კონფლიქტურ და პოსტ–კონფლიქტურ სიტუაციებში გენდერულად მგრძნობიარე საკითხების გაშუქების პრინციპებს. პრაქტიკული სწავლება მოიცავს ადმინისტრაციული გამყოფი ხაზის გასწვრივ საველე გასვლებსა და მოკლემატრაჟიანი ფილმების/რეპორტაჟების გადაღება/მომზადებას. ტრენინგის მონაწილეები უზრნველყოფილი იქნებიან პრაქტიკული სამუშაოებისთვის საჭირო ტექნიკური აღჭურვილობით.
ტრენინგში მონაწილეობის მიღება შეუძლიათ ჟურნალისტიკის ფაკულტეტისა და საოპერატორო კურსის სტუდენტებს თბილისიდან და რეგიონებიდან.
ტრენინგის წარმატებით გავლის შემთხვევაში, მონაწილეებს გადაეცემათ სერთიფიკატები.
მონაწილეობის მსურველებმა გამოგვიგზავნეთ თქვენი CV და სამოტივაციო წერილი შემდეგ ელ-ფოსტაზე: office@ginsc.net
გთხოვთ, სამოტივაციო წერილში მოგვიყვეთ თქვენი ტექნიკური უნარ-ჩვევების შესახებ და გაგვიზიაროთ სცენარის წერის და/ან კამერასთან მუშაობის გამოცდილება.
განაცხადის შემოტანის ბოლო ვადა: 2016 წლის 20 ივლისი. 18:00 საათი.
ტრენინგი ტარდება ქალთა საინფორმაციო ცენტრის პროექტის „გაძლიერებული ქალები მშვიდობისა და განვითარებისათვის“ ფარგლებში, რომელიც ხორციელდება აშშ-ს სახელმწიფო დეპარტამენტის მხარდაჭერით.
წყარო: GIA |
