კატეგორია: განცხადებები 
2016-11-14
ქალთა საინფორმაციო ცენტრი აცხადებს მცირე საგრანტო კონკურსს გენდერული ძალადობის წინააღმდეგ 16 დღიანი კამპანიის ფარგლებში, რომელიც ყოველწლიურად იმართება 25 ნოემბრიდან 10 დეკემბრის ჩათვლით.
კონკურსის მიზანია ახალგაზრდების ჩართულობით საზოგადოების ინფორმირება ქალთა უფლებების და გენდერული ძალადობის შესახებ, ასევე ახალგაზრდების შემოქმედებითი პოტენციალის გამოვლენა და მათი ინიციატივების მხარდაჭერა.
კონკურსში მონაწილეობის პირობები:
** კონკურსში მონაწილეობის მიღება შეუძლიათ 18-დან 25 წლამდე ახალგაზრდებს;
** ახალგაზრდების მიერ წარმოდგენილი საპროექტო იდეები უნდა განხორციელდეს 25 ნოემბრიდან 10 დეკემბრის ჩათვლით თბილისში;
** პროექტი უნდა უზრუნველყოფს არანაკლებ 5 ახალგაზრდის ჩართულობას;
** პროექტის ფარგლებში შესაძლოა შესრულდეს სხვადასხვა შემოქმედებითი აქტივობა: ფლეშმობი, ანიმაციური და დოკუმენტური ფილმი, ინსტალაცია, აქცია, სპორტული ღონისძიება, ფოტო გამოფენა, ციფრული მედიის პროდუქტი და სხვა.
** საგრანტო კონკურსით არ დაფინანსდება ეკონომიკური საქმიანობა და პოლიტიკური აქტივობა.
** საგრანტო კონკურსით არ დაფინანსდება უკვე განხორციელებული პროექტის იდეა.
** გრანტი გაიცემა ფიზიკური პირებისა და ახალგაზრდული საინიციატივო ჯგუფებისთვის.
** საგრანტო თანხა შეადგენს 200 -დან 2000-მდე ლარს.
** პროექტების ხანგრძლივობა არ უნდა აღემატებოდეს 1 თვეს.
განსახილველი საპროექტო წინადადება მიიღება ელექტრონულად 2016 წლის 16 ნოემბრამდე (18:00 სთ). გენდერული ძალადობის წინააღმდეგ 16 დღიანი კამპანიის შესახებ იხილეთ ბმული http://16dayscwgl.rutgers.edu/
საპროექტო განაცხადები შეგიძლიათ გამოაგზავნოთ ელ.ფოსტით შემდეგ მისამართზე: office@ginsc.net
დაწვრილებითი ინფორმაცია და სააპლიკაციო ფორმა შეგიძიათ ნახოთ შემდეგ ბმულზე.
შეკითხვის შემთხვევაში დაგვიკავშირდით ტელეფონზე: +995 32 295 29 34
|
