კატეგორია: განცხადებები 2016-11-25
ა(ა)იპ ქალთა საინფორმაციო ცენტრი მართავს პროექტის "ძლიერი ქალები – ძლიერი სახელმწიფო" პრეზენტაციას.
საქართველოში არსებული მძიმე ეკონომიური და სოციალური პირობებიდან გამომდინარე, ბევრი ოჯახი ჯერ კიდევ რთულ, ყოფით პირობებში ცხოვრობს. განსაკუთრებით სოფლად, სისუფთავის და ჰიგიენის დასაცავად ქალებს დიდი ჯაფა ადგათ, რაც მძიმედ აისახება მათ ჯანმრთელობაზე.
პროექტის მიზანია სოფლად მცხოვრები სოციალურად დაუცველი, მრვალშვილიანი ან მძიმე ყოფით პირობებში მცხოვრები ოჯახების დახმარება საყოფაცხოვრებო ტექნიკის საშუალებით, ასევე ბიზნეს სტრუქტურების წახალისება, სოციალური პასუხისმგებლობის ფარგლებში მხარი დაუჭირონ აღნიშნულ ინიციატივას და თავისი წვლილი შეიტანონ სოფლად მცხოვრები ოჯახების კეთილდღეობის საქმეში.
აღნიშნულ იდეის თანაავტორი და პროექტის მხარდამჭერია საქართველოს ლატარიის კომპანია, რომლის დახმარებითაც პირველად იგეგმება სარეცხი მანქანების და სხვა საყოფაცხოვრებო ტექნიკის გადაცემა ტირძნისსა და პერევში მცხოვრები ქალებისთვის.
პრეზენტაციას დაესწრებიან მოწვეული ბიზნეს სტრუქტურების წარმომადგენლები და მედიის წარმომადგენლები.
პრეზენტაცია გაიმართება მიმდინარე წლის 28 ნოემბერს, 12:00–დან 14:00 საათამდე, საქართველოს პარლამენტის ეროვნული ბიბლიოთეკაში. |