კატეგორია: განცხადებები 
2016-12-12
12 დეკემბერს 19:00 საათზე, „ფაბრიკაში“ (თბილისი, ეგნატე ნინოშვილის #8) ქალთა საინფორმაციო ცენტრის ორგანიზებით, გაიმართება ახალგაზრდების გამოფენებისა და ინსტალაციების სერია „აჩრდილები“ და “She”. პროექტი ხორციელდება ქალთა მიმართ ძალადობის წინააღმდეგ 16 დღიანი კამპანიის ფარგლებში.
გამოფენა-ინსტალაციაზე სახელწოდებით „აჩრდილები“ წარმოდგენილი იქნება ქალთა მიმართ ძალადობის ამსახველი ფიგურები. თემატიკა მოიცავს სტერეოტიპებს, ტაბუებსა და იმ პრობლემებს რომლებსაც ქალები ყოველდღიურ ცხოვრებაში ხვდებიან. პროექტის ავტორები არიან ანი წიქორიძე და ელენე გუნდიშვილი.
ფოტო გამოფენა “She” კი აერთიანებს ორ განსხვავებულ სერიას: ვიზუალურ და ტექსტურ ინსტალაციებს. მისი ავტორია გიორგი დუნდუა, რომელმაც პროექტზე თანამედროვე ვიზუალურ ხელოვანთან, მურთაზ ბოლქვაძესთან ერთად იმუშავა.
ღონისძიებაზე მოხსენებით გამოვა სახალხო დამცველის მოადგილე ეკატერინე სხილაძე.
ღონისძიება მომზადებულია „ქალთა საინფორმაციო ცენტრის“ მხარდაჭერით, აშშ-ს სახელმწიფო დეპარტამენტის დაფინანსებული პროექტის ფარგლებში, სახელწოდებით - „გაძლიერებული ქალები, მშვიდობისა და განვითარებისთვის“.
|
