ევროპული საქართველო იძულებით გადაადგილებულ პირთა შესახებ კანონში ცვლილებების შეტანას ითხოვს. ელენე ხოშტარიამ საკანონმდებლო ინიციატივებთან დაკავშირებით დევნილთა სამინისტროსთან გამართულ ბრიფინგზე ისაუბრა.
ინიციატივის მიხედვით, დევნილთა შემწეობა 60 ლარამდე უნდა გაიზარდოს, შემოსავლის ზედა ზღვარი კი 1500 ლარით განისაზღვროს.
ელენე ხოშტარია საკანონმდებლო წინადადებების განხილვას სოზარ სუბარს საკომიტეტო ფორმატში სთავაზობს.
„ჩვენ გამოვდივართ კონკრეტული, კარგად დათვლილი საკანონმდებლო ინიციატივით, რომ შემწეობა არა თუ არ შემცირდეს, არამედ გაიზარდოს 60 ლარამდე. ასევე გავზარდოთ შემოსავლის ზღვარი 1250-დან 1500 ლარამდე. ჩვენ ვითხოვთ, რომ სოზარ სუბარი მოვიდეს პარლამენტში და გვქონდეს საკომიტეტო, სამუშაო, საქმიანი შეხვედრა,“ - განაცხადა ელენე ხოშტარიამ.