კატეგორია: განცხადებები 
2017-06-15
2017 წლის 16 ივნისს, 11:30 საათზე, CTC-კონსულტაციისა და ტრენინგების ცენტრში (ოთარ ჩხეიძის ქ. 5), არასამთავრობო ორგანიზაცია „ქალთა საინფორმაციო ცენტრი“ და საქართველოს ლატარიის კომპანია შეაჯამებს სოციალურ პროექტს ‘ასე უფრო მარტივია’ , რომლის ფარგლებშიც 1 თვის განმავლობაში საქართველოს მასშტაბით 12 ოჯახს საყოფაცხოვრებო ტექნიკა და სასაჩუქრე გზავნილები გადაეცა.
#ასეუფრომარტივია კამპანიის შემაჯამებელ შეხვედრაზე, CSR და საქველმოქმედო პროექტების შესახებ, ამ მხრივ ქვეყანაში არსებულ შესაძლებლობებსა და გამოწვევებზე ისაუბრებენ ქალთა საინფორმაციო ცენტრის ხელმძღვანელი - ელენე რუსეცკაია, საქართველოს ლატარიის კომპანიის საზოგადოებასთან ურთიერთობისა და კომუნიკაციის სამსახურის უფროსი - ანა იასეშვილი და კორპორატიული სოციალური პასუხისმგებლობის კლუბის საბჭოს თავმჯდომარე - კახა მაღრაძე. შეხვედრას ასევე დაესწრებიან არასამთავრობო და ბიზნეს სექტორის წარმომადგენლები.
„ასე უფრო მარტივია“ არის არასამთავრობო ორგანიზაციის მიზნებისა და კერძო კომპანიის სოციალური პასუხისმგებლობის თანხვედრა, რომლის ფარგლებშიც წინასწარ შეირჩა ბენეფიციარები და განისაზღვრა თითოეული მათგანის საჭიროება. კამპანია მოიცავდა თბილისის, დუშეთის, ხაშურისა და ამბროლაურის მუნიციპალიტეტებს.
|
