კატეგორია: განცხადებები 2017-09-14
ხვალ, 15 სექტემბერს, 09:00 საათზე, სასტუმრო „ბილტმორში“ გაიმართება „გლობალური ბიზნეს ფორუმი“. აღნიშნული ფორუმი „საქმიან ქალთა გაერთიანების“ და „საქართველოს ბანკის“ ეგიდით საქართველოში პრიველად ტარდება.
ორგანიზაცია „საქმიან ქალთა გაერთიანება“ აერთიანებს წარმატებულ ქალ მეწარმეებს და მისი გუნდი ერთად მუშაობის 10 წელს ითვლის.
ბიზნეს ფორუმის მიზანია, დააკავშიროს ქართული და უცხოური ბიზნესები, შექმნას ეფექტური გარემო გამოცდილების გაზიარებისა და ნეთვორკინგისთვის და ხელი შეუწყოს ახალი კავშირების, ურთიერთობების ჩამოყალიბებას მონაწილეთა შორის.
ფორუმის მონაწილეებს საქმიან ქალთა გაერთიანების პრეზიდენტი ეკატერინე მაისურაძე მიმართავს. ასევე ფორუმის გახსნაში მონაწილეობას მიიღებენ: ნინა ხატისქაცი- ქ. თბილისის ვიცე-მერი, რიმა ბერაძე–საკრებულოს წევრი.
ფორუმში მონაწილეობას მიიღებენ სამთავრობო და არასამთავრობო, ასევე კერძო სექტორის წარმომადგენლები. ფორუმი ასევე უმასპინძლებს დელეგატებს სხვადასხვა ქვეყნიდან: დიდი ბრიტანეთი, ყაზახეთი, ინდოეთი, საბერძნეთი, ჩეხეთი, გაერთიანებული საამიროები, თურქეთი და სხვა. ფორუმის მთავარი მიზანია საქმიან ქალთა ბიზნესის გაძლიერება.
|