კატეგორია: ეს საინტერესოა 
2017-10-02
The Lady Garden - ასე ეწოდება ბრიტანულ ფონდს გინეკოლოგიური კიბოს წინააღმდეგ, რომელიც უკვე რამდენიმე წელია ცნობიერების ამაღლების მიზნით გახმაურებულ სოციალურ კამპანიებს აწარმოებს. მასში მონაწილეობისთვის კი მომღერლებს, მსახიობებსა და ცნობილ მოდელებს იწვევს. გინეკოლოგიური კიბოს პრევენციისთვის 2017 წლის კამპანია კი მოდელებმა ნაომი ქემბელმა და კარა დელევინმა გადაიბარეს.
სადა თეთრი მაისურები, ექსკლუზიური პრინტებით და მთავარი შტრიხი - ყვავილი The Lady Garden-იდან, ის ძირითადი ნიშანია, რაც კამპანიისთვის შექმნილ ფოტო სერია გამოირჩევა. მაისურების პრეზენტაციას კი მსოფლიო ვარსკვლავები ახდნენე, რომელიც შემდეგ ონლაინ იყიდება.
იმის გამო, რომ ქალების არასათანადოდ ინფორმირებულობა არ გახდეს გინეკოლოგიური კიბოს დაგვიანებული მკურნალობის მიზეზი, საინფორმაციო კამპანია გასულ წელს მომღერალმა ბრიტნი სპირსმა, ჟურნალ ვოგის ბლოგერმა ალექსა ჩანგმა და ჰოლივუდის მსახიობმა მარგო რუბიმ აწარმოეს. მათ მიერ რეკლამირებული მაისურების გაყიდვიდან შემოსული თანხა კი გინეკოლოგიური კიბოს წინააღმდეგ ბრძოლის ფონდში გადაირიცხა.
წლევანდელ ფოტოსესიაში კი ბრიტანელი ტოპ მოდელები ჩაებნენ. ნაომი ქემბელი აცხადებს, რომ მისთვის კამპანიაში მონაწილეობა განსაკუთრებით მნიშვნელოვანია, რადგან დედამისსაც ჰქონდა ძუძუს კიბოს დიაგნოზი, თუმცა მისი დამარცხება მოახერხა.
ყველა მაისური, რომლებიც კამპანიის ფარგლებში შეიქმნა, 5 ოქტომბრიდან ონლაინ მაღაზიაში იქნება ხელმისაწვდომი. შემოსული თანხა კი გინეკოლოგიური კიბოს წინააღმდეგ ბრძოლის ბრიტანულ ფონდს გადაერიცხება.
|
