კატეგორია: ეს საინტერესოა 
2017-10-03
1 ოქტომბრიდან საფრანგეთში ძალაში შევიდა კანონი, რომელიც მოდის ინდუსტრიას ავალდებულებს სპეციალური მითითება დაიტანოს ყველა ფოტო მასალაზე სადაც მოდელს რაიმე სახის ფოტო ეფექტი ან რედაქტირება აქვს გაკეტებული. კანონდამრღვევი 37 500 ევროს ოდენობით დაჯარიმდება.
ახალ კანონი იმოქმედებს ისედ მცირედ ჩარევაზეც როგორიცაა, კანის ზედაპირის ფოტოშოპით დამუშავება ან ვარცხნილობის პროგრამული შესწორება. ახალი კანონპროექტი ერთ-ერთია ცვლილებების სერიიდან, რომელიც მეტისმეტად გამხდარი სხეულის პროპაგანდის წინააღმდეგაა მიმართული.
ცოტა ხნის წინ საფრანგეთში მოღვაწე მოდელებს დაევალათ სამედიცინო ცნობების წარდგენა იმის თაობაზე, რომ მათი სხეულის მასის ინდექსი ჯანსაღ პარამეტრებში ჯდება. 2015 წლიდან საფრანგეთში ასევე 10 000 ევროს ჯარიმა ეკისრებათ ვებ გვერდებს, რომლებიც ანორექსიის პროპაგანდას ეწევიან. ქვეყნის ჯანდაცვის სამინისტროს ეს საკითხი სამოქალაქო ჯანდაცვის დონემდე აქვს აყვანილი.
|
