კატეგორია: გენდერი მსოფლიოში 2017-10-30
ბრიტანეთის მთავრობა აპირებს გენდერულ დისკრიმინაციის დონის შემცირებას ისეთ საკითხებში როგორიცაა: კაცებისა და ქალების ხელფასებს შორის განსხვავება და ქალების თანამდებობაზე დაწინაურების პრობლემა.
ამის შესახებ განაცხადა ბრიტანეთის პრემიერ-მინისტრმა ტერეზა მეიმ.
ბრიტანეთის ეროვნული სტატისტიკის სამსახურის მონაცემებით, განსხვავება კაცებისა და ქალების საშუალო ანაზღაურებას შორის 18.4% -ს შეადგენს. ამავდროულად, მიმდინარე წელს სრულ განაკვეთზე მომუშავე ქალთა და კაცთა ხელფასებს შორის განსხვავებამ 9.1% შეადგინა.
ამ დროისთვის ბრიტანული კომპანიები აქვეყნებენ მონაცემებს ხელფასის სხვაობის შესახებ. მთავრობამ ასევე დაავალდებულა ისეთი კომპანიები, სადაც დასაქმებულია 250-ზე მეტი ადამიანი აუნაზღაუროს ხელფასის სხვაობა თანამშრომლებს. გარდა ამისა, კომპანიებმა უნდა გამოაქვეყნონ მონაცემები გადაწყვეტილების მიმღებ პოზიციებზე ქალთა რაოდენობის შესახებ. მონაცემები მომავალი წლის აპრილში იქნება ხელმისაწვდომი.
|