ჟურნალისტმა ეკატერინე გორდონმა რუსეთის ფედერაციის საპრეზიდენტო არჩევნებში მონაწილეობა გადაწყვიტა. ვიდეორგოლში გორდონი აცხადებს, რომ იქნება "შესაძლოა ერთადერთი კანდიდატი, რომელიც შეთანხმებული არ არის პრეზიდენტის ადმინისტრაციასთან".
გორდონი ამბობს, რომ ის 10 წელია დაკავებულია ჟურნალისტიკით და იურიდიული კომპანიის დამფუძნებელია, რომელიც უკვე 5 წელია იცავს ქალთა და ბავშვთა უფლებებს.
ქალებისა და ბავშვების უფლებების დაცვა გორდონის საარჩევნო კამპანიის მთავარი იდეა იქნება. "რუსეთი მარტოხელა დედების ქვეყანაა... მე მათი ხმა ვიქნები", - განაცხადა გორდონმა.
18 ოქტომბერს ცნობილი გახდა, რომ ტელეწამყვანი ქსენია სობჩაკი რუსეთის საპრეზიდენტო არჩევნებში მიიღებს მონაწილეობას, რომელიც 2018 წლის მარტში ჩატარდება.
