კატეგორია: გენდერი მსოფლიოში 
2017-11-02
მსოფლიოს ეკონომიკურმა ფორუმმა 2017 წლის გენდერული სხვაობის რეიტინგი გამოაქვეყნა, სადაც საქართველო 90–ე ადგილიდან (2016) 94–ე გადაინაცვლა.
ანგარიში 144 ქვეყნის მონაცემებზე დაყრდნობითაა შედგენილი.
იმის გამო რომ რეიტინგი 4 ძირითადი კრიტერიუმის მიხედვით დგება, თითოეულქვეყანას ცალ-ცალკე შეფასება და ინდექსი ენიჭება ქალთა ჯანდაცვის, მათი პოლიტიკური ჩართულობის, ეკონომიკის სფეროში აქტიურობისა და განათლების კუთხით.
საქართველოში სქესთა შორის ეკონომიკური სხვაობის მაჩვენებელის ინდექსი 75–ია (2016 – 61). ყველაზე დაბალი მაჩვენებელი საქართველოს (124) ქალთა ჯანმრთელობის დაცვისა და პოლიტიკური გაძლიერების (114) კუთხით აქვს. განათლების ხელმისაწვდომობის ინდექსი კი 78–ან 81–ე გადაინაცვლა.
ისლანდია მსოფლიო ეკონომიკური ფორუმის სიის სათავეშია, როგორც ქვეყანა, რომელსაც გენდერული ბალანსი კარგად აქვს დაცული. ყველაზე ცუდი მდგომარეობა კი იემენშია, რომელიც 144-ე ანუ ბოლო ადგილზე გავიდა.
საუკეთესო მაჩვენებლების მქონე ხუთეული ასე გამოიყურება: ისლანდია, რომელიც მეცხრე წელია იკავებს პირველ ადგილს, ნორვეგია, ფინეთი, რუანდა და შვედეთი.ახალი კვლევის მიხედვით, აშშ წინა წელთან შედარებით 4 ქულით ჩამოქვეითდა და რეიტინგში 49-ე ადგილზე გადაინაცვლა, საუდის არაბეთი კი, სადაც სულ ცოტა ხნის წინ ქალებს მანქანის ტარების უფლება მიენიჭათ, 138-ე ადგილზე აღმოჩნდა.
კვლევის მიხედვით, ნახევარზე მეტ ქვეყანაში გენდერული თანასწორობის ინდექსი გაუმჯობესდა გასული წლის განმავლობაში, მაგრამ საერთო ჯამში, გენდერული უთანასწორობის მაჩვენებელი გაიზარდა. ასე 2015 წელს ის 68.3% შეადგენდა, 2017 წელს კი 68% -მდე დაეცა. ექსპერტები აღნიშნავენ, რომ ასეთი ვარდნა არ აღინიშნებოდა 2006 წლიდან.
"თუ სიტუაცია ამ სიჩქარით განვითარდა, გენდერული უთანასწორობის დასაძლევად მსოფლიოს კიდევ 100 წელი დასჭირდება, ხოლო ქალსა და კაცს შორის ეკონომიკური უთანასწორობის დასაძლევად კი კაცობრიობას 217–ი წელი" - ნათქვამია ანგარიშში.
როგორც WEF - ს გენერალურმა დირექტორმა კლაუს შვაბმა განაცხადა, მსოფლიო კაპიტალიზმის ეპოქიდან გადავიდა ეპოქაში, როდესაც ნიჭი ფასეული გახდა და კონკურენციის პირობებში გაიმარჯვებს ის, ვინც ბიზნესში უფრო მეტი ქალის მოზიდვის საჭიროებას დაინახავს.
|
