კატეგორია: გენდერი მსოფლიოში 
2017-11-09
შვეიცარიის ასოციაციამ „Freethinker“ ირანელი მწერალი მასიჰ ალინეჯადი და ქურთი ჟურნალისტი ზეჰრა დოგანი დააჯილდოვა პრემიით თავისუფალი აზროვნებისათვის.
პრემია ყოველწლიურად გაიცემა, თუმცა წელს, არც ერთი ლაურეატი ვერ დაესწრო დაჯილდოვების ცერემონიას.
მასიჰ ალინეჯადი - ცნობილი ირანელი ჟურნალისტი და ფემინისტია. 2014 წელს მან შექმნა Facebook - ზე ფემინისტური გვერდი „ჩემი ფარული თავისუფლება“ (#stealthfreedom ან #mystealthyfreedom), რომელზეც მუსლიმი ქალები, რომლებიც ეწინააღმდეგებიან ჰიჯაბის სავალდებულო ტარებას, აგზავნიან მათ ფოტოებს ჰიჯაბის გარეშე. გვერდის შექმნის შემდეგ მას უკვე ერთ მილიონზე მეტი მომხმარებელი ჰყავს.
შეგახსენებთ, რომ 1979 წლიდან ისლამური რევოლუციის შემდეგ ირანში ქალის დაუმორჩილებლობის ნებისმიერი მცდელობა ან საზოგადოებაში ჰიჯაბის გარეშე გამოჩენა კანონით ისჯება.
დღეს მასიჰ ალინეჯადიი ცხობრობს და მუშაობს აშშ–ი. ის მრავალი კამპანიის ინიციატორია, რომელიც ირანში ქალთა უფლებების დაცვისკენ არის მიმართული.
მეორე პრემია გადაეცა ქურთული წარმოშვების თურქ მხატვარს და ჟურნალისტს ზეჰრა დოგანს, რომელიც 2017 წელს დააპატიმრეს და პატიმრობა მიუსაჯეს ქურთული ქალაქის ნუსეიბინის განადგურების სურათის გამო. დოგანმა ამ ქალაქს ქურთული ფემინისტური საინფორმაციო სააგენტოს JINHA დავალებით ეწვია. ამის შემდეგ თურქულმა ხელისუფლებამ საინფორმაციო სააგენტო დახურა, დოგანი კი დააპატიმრა.
|
