კატეგორია: სპორტი 2017-11-10
პირველად ისტორიაში საუდის არაბეთში ქალთა საკალათბურთო ტურნირი გაიმართება. პირველი ოფიციალური შეჯიბრები შაბათს დაიწყება და ქალაქ ჯიდაში გაიმართება. ერთმანეთს სხვადასხვა უნივერსიტეტებისა და კლუბების გუნდები შეხვდებიან.
როგორც ადგილობრივი მედია იტყობინება, კაცების დასწრება ტურნირზე აკრძალული იქნება.
ტურნირის სპონსორია ჯანდაცვის სამინისტრო და სამეფოს სპორტის დეპარტამენტი.
2017 წლის ოქტომბრის ბოლოს ცნობილი გახდა, რომ მომავალი წლის 1 იანვრიდან ქალებს შესაძლებლობა ექნებათ დაესწრონ სპორტულ შეჯიბრებს, რომელშიც მონაწილეობას კაცები იღებენ, სამეფოს სამ სტადიოზე - ერ რიადში, ჯიდაში და დამამში. აღსანიშნავია, რომ სკოლებში ფიზიკური აღზრდის გაკვეთილები გოგოებისათვის მხოლოდ 2017 წლიდან არის დაშვებული.
|