კატეგორია: გენდერი მსოფლიოში 2017-11-14
ლოს-ანჯელესში სექსუალური შევიწროების წინააღმდეგ აქცია გაიმართა, რომელშიც ასობით ადამიანმა მიიღო მონაწილეობა.
მას შემდეგ, რაც პროდიუსერი ჰარვი ვაინშტაინი სექსუალურ შევიწროებაში დაადანაშაულეს, აღნიშნულმა ბრალდებებმა საპროტესტო აქციების ტალღა გამოიწვია.
მსვლელობის სლოგანი იყო #მეც. ე.წ ჰეშთაგი მას შემდეგ გავრცელდა, რაც მსახიობმა ალისა მილანომ მიკრობლოგ Twitter-ზე მომხმარებლებს მოუწოდა, სექსუალური შევიწროების თაობაზე ისტორიების მოყოლა სწორედ ამ სლოგანით დაეწყოთ.
აქციის მონაწილეებს ხელში ეჭირათ პლაკატები: "ისინი, ვინც შევიწროებას განიცდიან, ყოველთვის გაერთიანდებიან", "შეაჩერე სისასტიკე, შეაჩერე ძალადობა".
აქციაში მონაწილეობდა პროდიუსერი კეტი შულმანი. მისი თქმით, 1 დეკემბერს იგი სექსუალური ძალადობის მსხვერპლთათვის ცხელი ხაზის ამოქმედებას გეგმავს.
|