Категория: Гендерная политика 
2017-11-15
თბილისი მერმა კახა კალაძემ თბილისის რაიონების გამგებლობის კანდიდატები წარადგინა.
კახა კალაძის თქმით, ის გამგებლებს ყველა პირობას შეუქმნის ეფექტური მუშაობისთვის, თუმცა იქნება ძალიან მომთხოვნი.
„ჩემი მხრიდან მომავალ გამგებლებს ექნებათ მაქსიმალური მხარდაჭერა და ყველა წინაპირობა საქმის კეთებისთვის, თუმცა აქვე უნდა განვაცხადო, ვიქნები ძალიან მომთხოვნი თითოეული მათგანისადმი და არ დავუშვებ ჩვენი მოქალაქეებისადმი გულგრილ დამოკიდებულებას. დარწმუნებული ვარ, საზოგადოების მხარდაჭერით დიდ წარმატებებს მივაღწევთ და ეს ადამიანები უმნიშვნელოვანეს წვლილს შეიტანენ სიცოცხლით სავსე ქალაქის აღმშენებლობაში“, - განაცხადა კახა კალაძემ თბილისის რაიონების გამგებლობის კანდიდატების წარდგენისას.
თბილისის რაიონების გამგებლობის კანდიდატები არიან:
•საბურთალოს რაიონი - გაიოზ ვასაძე
•ვაკის რაიონი - ნოდარ ტურძელაძე
•ჩუღურეთის რაიონი - ზურაბ ჩიკვილაძე
•დიდუბის რაიონი - ირმა ზავრადაშვილი
•ნაძალადევის რაიონი - ირაკლი ხელაძე
•გლდანის რაიონი - ბექა მიქაუტაძე
•კრწანისის რაიონი - ლევან ჯაფარიძე
•მთაწმინდის რაიონი - დავით კირკიტაძე
•ისნის რაიონი - კახა ლაბუჩიძე
•სამგორის რაიონი - დავით კერესელიძე
კალაძის გამგებლობის კანდიდატების სია დასამტკიცებლად საკრებულოს დღესვე გადაეგზავნება. |
