კატეგორია: გენდერი კავკასიაში 
2017-11-30
ნინო ლომჯარია საქართველოს ახალი სახალხო დამცველია. მის კანდიდატურას პარლამენტმა კენჭი უყარა, რომელზეც მას მხარი 96-მა დეპუტატმა დაუჭირა, 5-მა კი წინააღმდეგ მისცა.
ნინო ლომჯარია, რომლის კანდიდატურაც ქართულმა ოცნებამ არასამთავრობოების მიერ შერჩეული კანდიდატებიდან აარჩია, დეპუტატების წინაშე გუშინ წარდგა. ომბუდსმენობის კიდევ ერთი კანდიდატი გიორგი ფოფხაძე იყო. გიორგი ფოფხაძეს მხარი 20-მა პარლამენტარმა დაუჭირა, 27-მა დეპუტატი კი წინააღმდეგ მისცა ხმა.
ნინო ლომჯარია სახელმწიფო აუდიტის სამსახურის ხელმძღვანელის პირველი მოადგილე იყო. მანამდე კი “სამართლიანი არჩევნებისა და დემოკრატიის საერთაშორისო საზოგადოების” აღმასრულებელი დირექტორი გახლდათ.
საქართველოს კონსტიტუციის მიხედვით, სახალხო დამცველს პარლამენტი 5 წლით ირჩევს. უჩა ნანუაშვილს უფლებამოსილების ვადა 7 დეკემბერს ეწურება.
|
