სამხრეთ კორეის პრეზიდენტის ოფისის განცხადებით, ახლო მომავალში გადაიხედება კანონი, რომლის მიხედვით ქვეყანაში აბორტი აკრძალულია.
სამხრეთ კორეაში კანონი აბორტის აკრძალვასთან დაკავშირებით 1953 წელს იყო მიღებული. როგორც მაშინ პოლიტიკოსები ამტკიცებდნენ ეს მოსახლეობის რაოდენობის ზრდასთან იყო დაკავშირებული. ოცი წლის შემდეგ, კანონში ცვლილებები შევიდა და ქალებს აბორტის უფლება იმ შემთხვევაში მიეცად, თუ ნაყოფი მომავალი დედის სიცოცხლეს საფრთხეს უქმნიდა, ან თუ ორსულობა გაუპატიურების შედეგი იყო.
კანონის გაუქმების მოთხოვნით ქვეყანაში გავცელდა პეტიცია, რომელსაც უკვე 230 ათასზე მეტმა ადამიანმა მოაწერა ხელი.
პრეზიდენტის განცხადებით, პირველად 2010 წლის შემდეგ ხელისუფლება ჩაატარებს კვლევას აბორტის თემაზე და შედეგებიდან გამომდინარე შესაბამის ნაბიჯებს გადადგავს.
2010 წლის ჩატარებულმა ანალოგიურმა კვლევამ აჩვენა, რომ სამხრეთ კორეაში ერთ წელიდადში 16,900 აბორტი იყო გაკეთებული და აქედან მხოლოდ 6% იყო კანონიერი.
ცნობილია, რომ სამხრეთ კორეა არის ქვეყანა, სადაც შობადობის ერთ-ერთი ყველაზე დაბალი მაჩვენებელია მსოფლიოში.
